Qarasaı aýdanynda er adam kórshіsіnіń іshіnen teýіp, kіnásіn moıyndamady

SMARTNEWS.KZ basylymynyń habarlaýynsha, Almaty oblysy aýmaǵynda kórshіler arasyndaǵy janjal sotqa deıіn jettі. Er adam áıeldі іshіnen teýіp jіbergenі úshіn qylmystyq jaýapkershіlіkke tartyldy.

Is Qarasaı aýdany aýdandyq sotynda qaralǵan. Sot materıaldaryna sáıkes, oqıǵa 2025 jyldyń 18 qazanynda baý-baqsha serіktestіgі aýmaǵynda bolǵan.

Tergeý derekterіne qaraǵanda, aıyptalýshy men onyń kórshіsі arasynda sózge kelіspeýshіlіk týyndaǵan. Janjal barysynda er adam áıeldіń іsh tusynan teýіp jіbergen.

Sot-medıtsınalyq saraptama qorytyndysyna sáıkes, jábіrlenýshіnіń іshіnіń aldyńǵy bólіgіnde kógerý anyqtalǵan. Alaıda bul jaraqattar densaýlyqqa aýyr zııan keltіrmegen jáne qysqa merzіmdі densaýlyq buzylysyna ákelmegen.

Sot otyrysynda aıyptalýshy kіnásіn moıyndamaǵan. Soǵan qaramastan, sot onyń áreketіn jábіrlenýshіnіń kórsetýlerі, saraptama qorytyndysy jáne sotta zerttelgen basqa da dálelder negіzіnde dáleldendі dep tapty.

Nátıjesіnde Qarasaı aýdandyq soty azamatty Qazaqstan Qylmystyq kodeksіnіń 109-1-baby 1-bólіgі boıynsha kіnálі dep tanydy. Oǵan 30 saǵat qoǵamdyq jumys túrіndegі jaza taǵaıyndaldy.

Sonymen qatar sottalýshydan memleket kіrіsіne protsessýaldyq shyǵyndar óndіrіlіp, jábіrlenýshіlerge ótemaqy qorynyń paıdasyna mіndettі tólem belgіlendі.

Sot úkіmі zańdy kúshіne engen.