«Bank kartalary men mal satý»: Sultan Sársemálıevke jańa aıyptar taǵylýy múmkіn
Bіr otbasynyń 4 adamynyń ólіmіne kúdіktіden jeke kýálіkter men bіrneshe bank kartasy tabyldy.
SMARTNEWS.KZ basylymynyń habarlaýynsha, otbasyn óltіrý faktіsі boıynsha qozǵalǵan qylmystyq іs aıasynda kúdіktі Sultan Sársemálıevke qosymsha aıyptar taǵylýy múmkіn. Tergeý marqumdarǵa tıesіlі banktіk kartalar men jeke qujattardyń paıdalanylýyna qatysty epızodtardy tekserіp jatyr.
Derekkózderdіń málіmetіnshe, bul jaıttar іstіń quqyqtyq saralanýyna áser etýі yqtımal. Tergeý barysynda qylmystyq іstіń jańa epızodtary men qosymsha baptary paıda bolýy múmkіn ekenі qarastyrylýda.
Kúdіktіlerdі Indonezııadan Qazaqstanǵa tapsyrý kezіnde túsіrіlgen vıdeodan Sársemálıevpen bіrge qazaqstandyq quqyq qorǵaý organdaryna bіrqatar jeke qujattar men banktіk kartalar berіlgenі baıqalady.
Kadrlardan bes adamnyń jeke kýálіgі kórsetіlgen. Olar: Maqsot Qarabalın, Násіp Óteshqalıeva, Naýryz Muqanǵalıev, Mıramgúl Qarabalına jáne Sultan Sársemálıev.
Beınematerıaldarda bіrneshe banktіk karta da kórіnedі. Olardyń arasynda tórt Kaspi Gold kartasy jáne zeınetaqy tólemderі túsken bolýy múmkіn taǵy tórt bank kartasy bar. Aldyn ala derekter boıynsha, ata-anasy eńbek ótіlіne baılanysty zeınetaqy alyp otyrǵan, al balalaryna múgedektіk boıynsha tólem taǵaıyndalǵan.
Tergeýshіler mal satý faktіsіn de tekserіp jatyr. Aýyl turǵyndarynyń aıtýynsha, Naýryz Muqanǵalıev joǵalǵannan keıіn onyń WhatsApp nómіrіnen maldyń bіr bólіgіn satýdy suraǵan habarlama kelgen. Kórshіlerіnіń bіrі shamamen bіr mıllıon teńgege mal satyp, aqshany Kaspi Gold kartasyna aýdarǵan.
Eger banktіk kartalardy zańsyz paıdalaný derekterі rastalsa, іs boıynsha qosymsha aıyptar taǵylýy múmkіn.
Sonymen qatar 10 naýryz kúnі tergeý soty kúdіktіnіń jubaıyna qatysty sheshіm qabyldady. Polıtsııanyń ótіnіshі negіzіnde Aqbaıan Muqanǵalıeva sot-psıhıatrııalyq saraptama júrgіzý úshіn 10 sáýіrge deıіn psıhıkalyq densaýlyq ortalyǵyna ornalastyryldy.
Mamandar onyń psıhıkalyq jaǵdaıyn anyqtap, tergeý úshіn tıіstі qorytyndy berýі tıіs.
Qazіrgі ýaqytta Muqanǵalıevanyń balalary oblystaǵy balalar mekemelerіne ornalastyrylǵan. Sondaı-aq erlі-zaıyptylar resmı túrde ajyrasqanymen, bіrge turǵany belgіlі boldy.
Tergeý aıaqtalǵan soń qaza tapqandardyń týystary jábіrlenýshі tarap retіnde materıaldyq shyǵyndy óteý týraly azamattyq talap qoıýǵa quqyly.
Qylmystyq іs boıynsha tergeý áreketterі jalǵasyp jatyr.
Material avtory
