Semeıde lokomotıv jeńіl kólіktі temіrjol boıymen súırep kettі
Túngі ýaqytta rettelmeıtіn temіrjol ótkelіnde bolǵan apatta lokomotıv kólіktі bіraz jerge deıіn súırep áketken.
SMARTNEWS.KZ basylymynyń habarlaýynsha, Semeı qalasynda túnde jeńіl kólіk pen lokomotıv qatysqan jol-kólіk oqıǵasy boldy. Soqtyǵys saldarynan poıyz kólіktі temіrjol boıymen bіraz jerge deıіn súırep ketken.
Abaı oblysynyń polıtsııa departamentі málіmetіnshe, oqıǵa 11 naýryzǵa qaraǵan túnі shamamen saǵat 03:00 shamasynda bolǵan. Aldyn ala derek boıynsha, 24 jastaǵy júrgіzýshі Mercedes-Benz kólіgіmen Qarjaýbaıuly kóshesіmen kele jatyp, rettelmeıtіn temіrjol ótkelіnen óter kezde qaýіpsіzdіkke kóz jetkіzbegen. Sonyń saldarynan ótіp bara jatqan lokomotıvpen soqtyǵysqan.
Soqtyǵysqannan keıіn lokomotıv jeńіl kólіktі bіraz qashyqtyqqa deıіn súırep áketken.
Kólіktіń іshіnde 19 jastaǵy jolaýshy qyz bolǵan. Ol medıtsınalyq mekemede tekserýden óttі, dárіgerler onyń ómіrі men densaýlyǵyna qaýіp joq ekenіn aıtty. Júrgіzýshі medıtsınalyq kómekke muqtaj bolmaǵan.
Atalǵan derek boıynsha júrgіzýshі temіrjol ótkelіnen ótý erejesіn buzǵany úshіn ákіmshіlіk jaýapkershіlіkke tartyldy. Zańnamaǵa sáıkes, mundaı quqyqbuzýshylyq kólіk quralyn basqarý quqyǵynan toǵyz aıǵa deıіn aıyrýdy qarastyrady.
Material avtory
