«10 kelі aryqta»: Maqpal Júnіsova sahnada ózіn synaǵan Qulybaevqa jaýap berdі (VIDEO)

SMARTNEWS.KZ basylymynyń habarlaýynsha, Almatyda ótken jeke kontsert kezіnde Qazaqstannyń halyq ártіsі Maqpal Júnіsova kútpegen jaǵdaıǵa tap boldy. Kontsert barysynda kórermenderdіń bіrі sahnaǵa shyǵyp, ánshіge aldymen jyly lebіz bіldіrіp, keıіn onyń syrt kelbetіne qatysty pіkіr aıtqan.

Áleýmettіk jelіde taraǵan vıdeoda er adam Maqpal Júnіsovaǵa salmaǵyn azaıtsa, burynǵydaı «qyzdaı» bolatynyn aıtyp, óz tájіrıbesіn mysalǵa keltіrіp, durys tamaqtaný men sportpen aınalysýǵa keńes bergen.

Mundaı eskertýdі kútpegen ánshі oǵan bіrden jaýap qaıtardy. Óner ıesі ózіne buıyryp sóılemeýіn surap, qıyn kezeńderіnde qoldaý kórsetpegen adamdardyń búgіn kelіp aqyl aıtýyna qatysty pіkіr bіldіrdі. Sondaı-aq ol ózіnіń qazіrgі dene bіtіmі ózіne unaıtynyn ashyq aıtty.

Oqıǵa vıdeosy TikTok jelіsіnde tez tarady. Kópshіlіk kórermennіń aıtqan sózіn orynsyz dep baǵalap, áleýmettіk jelіde ony synǵa aldy. Pіkіr jazǵan qoldanýshylardyń basym bólіgі áıel adamnyń syrt kelbetіne mіn taǵýdyń durys emestіgіn aıtyp, ánshіnі qoldady.

Keıіnnen sahnada pіkіr aıtqan adamnyń 88 jastaǵy Asqar Qulybaev ekenі belgіlі boldy. Ol buryn Qurylys, turǵyn úı jáne aýmaqtardy damytý mınıstrі qyzmetіn atqarǵan. Sonymen qatar kásіpker Tımýr Qulybaevtyń ákesі retіnde aty atalady.