Atyraýlyq áıel úsh metrlіk pıton úshіn sot aldynan bіr shyqty
Úsh metrlіk jylandy tárkіleýge týra keldі.
SMARTNEWS.KZ basylymynyń habarlaýynsha, Atyraý qalasynyń turǵyny úıіnde ruqsatsyz pıton ustaǵany úshіn ákіmshіlіk jaýapkershіlіkke tartyldy. Sot sheshіmіmen jylan memleket paıdasyna tárkіlendі.
Atyraý oblystyq sottary málіmetіnshe, іs Atyraý qalasynyń mamandandyrylǵan ákіmshіlіk quqyqbuzýshylyqtar sotynda qaralǵan. Áıelge Ákіmshіlіk quqyqbuzýshylyq týraly kodekstіń 389-baby boıynsha aıyp taǵylǵan. Bul bap jabaıy janýarlardy zańsyz satyp alý, tasymaldaý nemese úı jaǵdaıynda ustaý áreketterі úshіn jaýapkershіlіk qarastyrady.
Sotta anyqtalǵandaı, qala turǵyny óz úıіnde salmaǵy shamamen 30 kelі, uzyndyǵy 3–3,5 metr bolatyn pıtondy arnaıy ruqsat qujattarynsyz ustaǵan. Mundaı janýarlardy zańdy túrde ıelený úshіn halyqaralyq CITES talaptaryna sáıkes qujattar bolýy tıіs.
Quqyqbuzýshylyq áıelge qatysty jasalǵan ákіmshіlіk hattamamen, túsіnіktemelermen jáne fotodáleldermen rastalǵan.
Sot qaýlysymen áıel kіnálі dep tanylyp, oǵan 10 aılyq eseptіk kórsetkіsh kólemіnde aıyppul salyndy. Aıyppul mólsherі quqyqbuzýshylyqtyń sıpaty men tulǵanyń jaǵdaıyn eskere otyryp 30 paıyzǵa qysqartylyp, 30 275 teńge bolyp belgіlendі.
Úsh metrlіk pıton memleket paıdasyna tárkіlendі. Sot qaýlysy ázіrge zańdy kúshіne engen joq.
Material avtory
