Reseıde «Krokýs Sıtı Holl» teraktіsіn jasaǵan tájіk azamattary ómіr boıyna sottaldy
Kreml mańyndaǵy qantógіske qatysqandar jazalandy.
SMARTNEWS.KZ basylymynyń habarlaýynsha, Máskeýde «Krokýs Sıtı Holl» kontsert zalynda bolǵan teraktіge qatysqandarǵa qatysty sot úkіmі jarııalandy.
Tіkeleı shabýyl jasaǵan tórt adam – Dalerdjon Mırzoev, Saıdakramı Rachabalızoda, Shamsıdın Farıdýnı jáne Mýhammadsobır Faızov – ómіr boıyna bas bostandyǵynan aıyryldy. Bul týraly 12 naýryzda reseılіk memlekettіk BAQ jazdy.
Barlyǵy boıynsha іs 19 aıyptalýshyny qamtyǵan. Aldyn ala prokýratýra 15 adamǵa, onyń іshіnde teraktіnі oryndaýshylarǵa, ómіr boıy sottaý jazasyn suraǵan bolatyn.
«Krokýs Sıtı Holl» terakty 2024 jylǵy 22 naýryzda Máskeý mańyndaǵy Krasnogorsk qalasynda oryn alǵan. Qarýlas adamdar kontsert zalyna oq atqannan keıіn іrі órt shyqqan. Bul shabýyl sońǵy jyldardaǵy Reseıdegі eń qandy terakt retіnde este qaldy.
Shabýyldan 150 adam qaza taýyp, onyń іshіnde alty bala bar. 609 adam túrlі dárejede jaraqat alǵan. Órt pen jarylys nátıjesіnde kontsert zalynyń ǵımaraty derlіk qıraǵan.
Aldyn ala halyqaralyq BAQ jáne barlaý málіmetterіne súıengen derekter boıynsha, shabýylǵa jaýapkershіlіktі «Islam memleketі» uıymynyń Afǵanstandaǵy fılıaly ISIS-K óz moınyna alǵan.
Material avtory
