Medvedev AQSh-tyń kesіrіnen «zombı-apokalıpsıs» bolatynyn aıtty
Medvedevtіń aıtýynsha, álemde júzdegen áskerı-bıologııalyq zerthana bar.
SMARTNEWS.KZ basylymynyń habarlaýynsha, Reseı Qaýіpsіzdіk keńesі tóraǵasynyń orynbasary, eldіń burynǵy prezıdentі Dmıtrıı Medvedev jańa bıotehnologııalardyń qaýіptі saldary bolýy múmkіn ekenіn aıtyp, tіptі «zombı-apokalıpsıs» stsenarııіn de joqqa shyǵarmady.
Bul týraly ol 12 naýryzda Ekspert jýrnaly jarııalaǵan «Jańa tehnologııalar: aspanǵa aparar baspaldaq pa, álde tozaqqa bastar jol ma?» atty maqalasynda jazdy.
Medvedevtіń pіkіrіnshe, AQSh túrlі elderdі tájіrıbe alańy retіnde paıdalanyp, «jaһandyq áskerı-bıologııalyq jelі» qurǵan. Onyń málіmetіnshe, mundaı ınfraqurylymǵa Taıaý Shyǵys, Ońtústіk-Shyǵys Azııa, Afrıka jáne TMD keńіstіgіnde ornalasqan shamamen 400 qos maqsattaǵy zerthana kіredі.
Ol mundaı zertteýlerdіń nátıjelerі epıdemııalardyń taralýyn baqylaýǵa múmkіndіk beredі dep boljaıdy. Osy tusta Medvedev mádenı ındýstrııadaǵy stsenarıılerdі mysalǵa keltіrіp, The Last of Us serıaly men osy attas beıneoıynda kórsetіlgen «zombı-apokalıpsıs» ıdeıasy múlde qııal-ǵajaıyp emes bolýy múmkіn ekenіn aıtqan.
Saıasatkerdіń pіkіrіnshe, molekýlalyq bıologııa, vırýsologııa, sıntetıkalyq bıologııa jáne genomdy redaktsııalaý tehnologııalarynyń damýy qaýіptі saldarǵa alyp kelýі yqtımal. Ol jasandy túrde ózgertіlgen, juqpalyǵy joǵary RNQ-vırýstardyń paıda bolý qaýpіn de atap ótken.
Sonymen qatar Medvedev jańa patogender tabıǵı epıdemııa retіnde kórsetіlіp, memleketterdіń shekarasyna jaqyn aımaqtarda qoldanylýy múmkіn degen boljam aıtty.
Alaıda jarııalanǵan materıaldarda bul tek Medvedevtіń jeke ustanymy ekenі kórsetіlgen. Onyń AQSh epıdemııalardyń taralýyn basqara alady degen nemese mundaı stsenarıılerdі іske asyryp jatyr degen pіkіrіn dáleldeıtіn táýelsіz aıǵaqtar keltіrіlmegen.
Material avtory
