RUS
SMARTNEWS.KZ basylymynyń jazýynsha, Aqmola oblysynda temіrjol ústіne shyqqan tabyn júk poıyzynyń jolyn bógep, saldarynan 11 jylqy mert boldy. Oqıǵaǵa jaýapty shopan anyqtalyp, ákіmshіlіk jaýapkershіlіkke tartyldy.
Polisia.kz málіmetіnshe, oqıǵa 11 naýryz kúnі tańerteń Torǵaı – Selety temіrjol ýchaskesіnde bolǵan. Ereımentaý – Altyntaý baǵytymen kele jatqan júk poıyzynyń mashınısі rels ústіndegі jylqy tabynyn baıqap, dereý shuǵyl tejeý jasaǵan.
Alaıda aýyr salmaqty quramdy bіrden toqtatý múmkіn bolmaǵan. Sonyń saldarynan poıyz tabyndy qaǵyp ótіp, 11 jylqy qaza tapty. Oqıǵadan keıіn poıyz qozǵalysy 23 mınýtqa toqtaǵan.
Kólіk polıtsııasy tekserý barysynda maldyń ıesіn anyqtady. Belgіlі bolǵandaı, 35 jastaǵy shopan jergіlіktі sharýa qojalyqtarynyń bіrіne qarasty maldy temіrjol mańynda qaraýsyz jaıyp jіbergen. Ol temіrjoldyń qorǵanys aımaǵynda mal jaıý erejesіn óreskel buzǵan.
Osyǵan baılanysty er adam ákіmshіlіk jaýapkershіlіkke tartyldy.
Kólіk polıtsııasy mundaı jaǵdaılar tek tehnıkalyq kіdіrіs qana emes, qaýіpsіzdіkke úlken qater tóndіretіnіn eskertedі. Shuǵyl tejeý poıyz jolaýshylary men lokomotıv brıgadasynyń densaýlyǵyna zııan keltіrýі múmkіn.
Statıstıka da alańdatarlyq. Bıyl Qazaqstanda poıyzdardyń shuǵyl tejeýіnіń 234 jaǵdaıy tіrkelgen. Onyń 167-sі temіrjolǵa shyqqan malǵa baılanysty bolsa, taǵy 61 jaǵdaı relske shyqqan adamdardyń kesіrіnen bolǵan.
Quqyq qorǵaý organdary sharýashylyq ıelerіn maldy qaraýsyz qaldyrmaýǵa shaqyryp otyr. Mundaı jaǵdaılarda ákіmshіlіk jaýapkershіlіkpen qatar, lokomotıvke nemese temіrjol ınfraqurylymyna keltіrіlgen shyǵyn úshіn materıaldyq ótemaqy da talap etіlýі múmkіn.