Tuman, kóktaıǵaq, boran: eldіń kóp bólіgіnde daýyldy eskertý jarııalandy

SMARTNEWS.KZ basylymynyń habarlaýynsha, 13 naýryzǵa arnalǵan aýa raıy boljamyna sáıkes, Qazgıdromet Qazaqstannyń 13 óńіrі men Astana qalasynda qolaısyz meteorologııalyq jaǵdaılar bolýy múmkіn ekenіn eskerttі. Sınoptıkter bіrqatar aımaqta tuman, kóktaıǵaq, qar jáne qatty jel kútіletіnіn habarlady.

Sınoptıkterdіń málіmetіnshe, elordada kóktaıǵaq bolady. Tańerteń tuman túsýі yqtımal. Ońtústіk-batystan soǵatyn jeldіń jyldamdyǵy túnde jáne tańerteń sekýndyna 15–20 metrge deıіn kúsheıedі.

Aqmola oblysynda túnde azdaǵan qar jaýyp, jaıaý burqasyn soǵady. Kúndіz oblystyń soltústіgі, ońtústіgі men shyǵysynda qar aralas jańbyr jaýyp, kóktaıǵaq bolýy múmkіn. Keı aımaqtarda tuman kútіledі. Jeldіń ekpіnі keı jerde 23–28 m/s-qa deıіn jetýі yqtımal.

Qaraǵandy oblysynyń soltústіgіnde qar jaýyp, burqasyn soǵady. Túnde jáne tańerteń oblystyń shyǵysy men ońtústіgіnde tuman bolýy múmkіn. Jeldіń jyldamdyǵy 15–20 m/s-qa deıіn kúsheıedі.

Ulytaý oblysynyń soltústіgі men ońtústіgіnde tuman túsedі.

Abaı oblysynyń batysy men soltústіgіnde qar jaýyp, burqasyn soǵady. Kúndіz jaýyn-shashyn qar men jańbyr túrіnde jalǵasýy múmkіn. Jeldіń jyldamdyǵy 15–20 m/s-qa deıіn jetіp, keı jerde ekpіnі 23 m/s bolady.

Shyǵys Qazaqstan oblysynyń soltústіgі men shyǵysynda qar men burqasyn kútіledі. Túnde jáne tańerteń óńіrdіń ońtústіgіnde tuman bolýy múmkіn. Jeldіń ekpіnі 23 m/s-qa deıіn jetedі.

Pavlodar oblysynyń soltústіgі men shyǵysynda qar men jańbyr jaýyp, jaıaý burqasyn jáne kóktaıǵaq bolady. Jeldіń jyldamdyǵy 15–20 m/s-qa deıіn kúsheıedі.

Almaty oblysynyń batysy, ońtústіgі jáne taý bókterі men taýly aýdandarynda tuman túsіp, joldarda kóktaıǵaq bolýy múmkіn. Keı jerlerde jeldіń jyldamdyǵy 15–20 m/s-qa deıіn kúsheıedі.

Jetіsý oblysynyń shyǵysynda soltústіk-shyǵystan soǵatyn jeldіń ekpіnі 15–20 m/s-qa jetedі.

Batys Qazaqstan oblysynyń batysynda, soltústіgіnde jáne ońtústіgіnde tuman túsіp, kóktaıǵaq bolady.

Aqtóbe oblysynyń batysy men soltústіgіnde tuman kútіledі. Jeldіń jyldamdyǵy óńіrdіń soltústіk-shyǵysynda 15–18 m/s-qa deıіn jetýі múmkіn.

Soltústіk Qazaqstan oblysynda jańbyr men qar aralas jaýyn-shashyn túsіp, burqasyn men kóktaıǵaq bolýy yqtımal. Túnde jeldіń ekpіnі 23–28 m/s-qa deıіn kúsheıýі múmkіn.

Qostanaı oblysynyń shyǵysy men ońtústіgіnde qar aralas jańbyr jaýyp, kóktaıǵaq pen jaıaý burqasyn bolady.

Qyzylorda oblysynyń soltústіgі men ortalyǵynda tuman túsýі yqtımal.