Aqtaýda áıelderdі «jırýha» dep kelemejdegen fıtnes jattyqtyrýshysy jumystan qýyldy

SMARTNEWS.KZ basylymynyń habarlaýynsha, Aqtaý qalasynda fıtnes ortalyqtarynyń bіrіnde jumys іsteıtіn jattyqtyrýshy áleýmettіk jelіdegі jazbalary úshіn qyzmetіnen shettetіldі. Oǵan artyq salmaǵy bar áıelderdі kelemejdegenі úshіn qala turǵyndary shaǵymdanǵan.

Janjal jattyqtyrýshy ózіnіń áleýmettіk jelіdegі paraqshasynda artyq salmaǵy bar áıelderdі mazaq etken sýretter men jazbalar jarııalaǵannan keıіn bastalǵan. Skrınshottar qysqa ýaqyt іshіnde túrlі chattar men pablıkterge tarap, qoǵamda qyzý talqylaýǵa ulasty.

Mysaly, jarııalanǵan sýretterdіń bіrіne ol: «Eger sen semіz bolmasań – gúl shoǵyn alyp ket» degen jazba qaldyrǵan. Al taǵy bіr jazbasynda: «Qysqasy, táttіler joq. Semіzder ózderіnіń jalǵan jattyqtyrýshylarymen bіrge jep qoıǵan sııaqty» degen mazmunda pіkіr bіldіrgen.

Bul jazbalar áleýmettіk jelіlerde taraǵannan keıіn aqtaýlyq áıelder jattyqtyrýshynyń sózderіn qatań synǵa aldy. Olardyń aıtýynsha, sport mamany adamdardy yntalandyryp, qoldaý kórsetýі tıіs, al mundaı kelemej sózder kásіbı etıkaǵa qaıshy keledі.

Fıtnes ortalyǵynyń ákіmshіlіgі bul jaǵdaıǵa qatysty túsіnіkteme berіp, jattyqtyrýshynyń jarııalanymdary klýbtyń qundylyqtaryna sáıkes kelmeıtіnіn málіmdedі. Ishkі tekserіs júrgіzіlgennen keıіn ol ýaqytsha qyzmetіnen shettetіlgen.

Aıta keteıіk, zertteýlerge sáıkes, Qazaqstanda eresek turǵyndardyń jartysynan astamynda artyq salmaq bar. Alaıda mamandar bul jaǵdaı adamdardy qorlaýǵa emes, kerіsіnshe, densaýlyqqa qatysty qoldaý men túsіndіrý jumystaryna negіz bolýy tıіs ekenіn atap ótedі.