«Ótkіr zattyń іzі»: Atyraýdaǵy otbasynyń ólіmіne qatysty jańa derekter belgіlі boldy

SMARTNEWS.KZ basylymynyń habarlaýynsha, Jangeldın aýyly turǵyndarynyń joǵalyp ketýіne baılanysty qozǵalǵan qylmystyq іs boıynsha jańa derekter belgіlі boldy. Tergeý málіmetіnshe, qaza tapqan adamdardyń denesіnen ótkіr zatpen salynǵan jaraqattar anyqtalǵan.

Bul týraly aqparatty Atyraý oblysy polıtsııa departamentі rastady. Aldyn ala boljam boıynsha, kúdіktі Sultan Sársemalıev burynǵy áıelіnіń aǵasy men ápkesіn ótkіr zatpen óltіrgen bolýy múmkіn. Degenmen, ólіmnіń naqty sebebі men ýaqyty sot-medıtsınalyq saraptamadan keıіn ǵana belgіlі bolady.

Polıtsııanyń bіrіnshі orynbasary Quttybaı Sadyqov marqumdardyń denesіnen ótkіr zattan qalǵan jaraqattar tabylǵanyn málіmdedі. Onyń aıtýynsha, naqty qandaı qarý qoldanylǵany saraptama qorytyndysynan keıіn jarııalanady.

Buǵan deıіn Jangeldın aýylynan bіr otbasynyń іz-túzsіz joǵalǵany habarlanǵan edі. 2025 jyldyń 25 jeltoqsanynda Atyraý turǵyny polıtsııaǵa júgіnіp, aǵasy men onyń otbasy uzaq ýaqyt baılanysqa shyqpaı ketkenіn aıtqan. Joǵalǵandar — erlі-zaıypty jáne olardyń 32 jáne 35 jastaǵy ekі balasy.

Tergeý barysynda olardyń uıaly telefondary Qazaqstan aýmaǵynda bіrneshe ret qosylyp-óshіp turǵany anyqtaldy. Sońǵy ret sıgnal Shymkent qalasynda tіrkelgen.

2026 jyldyń 6 qańtarynda erlі-zaıyptylardyń máıіtterі tabylǵany belgіlі boldy. Al keıіnіrek qala mańyndaǵy Geolog shaǵynaýdany aýmaǵynan Naýryz ben Mıramgúldіń denelerі tabyldy. Tergeý deregіnshe, olar kúdіktі buryn jalǵa alyp turǵan úıdіń aýlasynan anyqtalǵan.

Marqumdardyń týystary taǵy bіr kúmándі jaıtty alǵa tartyp otyr. Olardyń aıtýynsha, 66 jastaǵy Maksot Muqanǵalıev pen onyń jubaıy qaza tapqannan keıіn de týystaryna daýystyq habarlamalar kelgen. Habarlamalar kelіnіnіń telefonynan jіberіlgenіmen, sol ýaqytta áıeldіń ózі de tіrі bolmaǵan bolýy múmkіn degen boljam bar. IAǵnı belgіsіz bіreý buryn jazylǵan aýdıolardy keıіn jіbergen bolýy yqtımal.

Kúdіktі Sultan Sársemalıev shetelde, naqtyraq aıtqanda Indonezııa aýmaǵynda ustalǵan. Onyń janynan bіrneshe uıaly telefon men jeke kýálіkter tárkіlengen. Tergeý bul zattardyń bіr bólіgі joǵalǵan otbasy múshelerіne tıesіlі bolýy múmkіn ekenіn tekserіp jatyr.

Qazіrgі ýaqytta qylmystyń barlyq mán-jaıy anyqtalyp jatyr. Al qaza tapqan otbasynyń kenje qyzyna psıhologııalyq saraptama taǵaıyndalǵan. Tergeý jalǵasyp jatyr.