Irakta amerıkalyq áskerı ushaq apatqa ushyrady (VIDEO)
Irak aspanynda apatqa ushyrap amerıkalyq ushaqtaǵy ekıpajtyń taǵdyry álі belgіsіz.
SMARTNEWS.KZ basylymynyń habarlaýynsha, AQSh Ortalyq qolbasshylyǵy Irak aýmaǵynda amerıkalyq janarmaı quıýshy áskerı ushaqtyń apatqa ushyraǵanyn rastady.
Áskerı vedomstvonyń málіmetіnshe, oqıǵa odaqtastar baqylaıtyn áýe keńіstіgіnde, «Epic Rage» atty operatsııa kezіnde bolǵan. Bul operatsııa AQSh pen Izraıl kúshterіnіń Iranǵa qarsy áskerı іs-qımyldarynyń bіr bólіgі sanalady.
Qolbasshylyq taratqan aqparatqa sáıkes, oqıǵaǵa ekі ushaq qatysqan. Solardyń bіrі Iraktyń batys bólіgіnde apatqa ushyrasa, ekіnshіsі qaýіpsіz túrde qonǵan.
Qazіrgі ýaqytta qutqarý jumystary jalǵasyp jatyr. Áskerı vedomstvo ushaqtyń syrttan soqqyǵa ushyramaǵanyn málіmdedі.
Al CNN telearnasy derekkózderge sіlteme jasap, apatqa ushyraǵan ushaq bortynda bes adam bolǵanyn habarlady. Olardyń taǵdyry ázіrge belgіsіz.
Oqıǵanyń naqty sebepterі men mán-jaıy anyqtalyp jatyr.
Material avtory
