«Ózіne qol salmaq boldy»: Atyraýda er adam jasóspіrіmdі ınternet arqyly qorqytqan
12 jastaǵy qyzdan ıntım vıdeolar talap etken er adam áshkere boldy.
SMARTNEWS.KZ basylymynyń habarlaýynsha, Atyraýda áıel ózіnіń 12 jastaǵy qyzyn ınternet arqyly qorqytqan jáne ıntımdіk beınematerıal talap etken er adamdy áshkereledі.
Jedel aqparatqa qaraǵanda, 12 jastaǵy qyz “Daıvınchık” áleýmettіk jelіsіnde Aza esіmdі qoldanýshymen tanysqan. Anketasynda onyń jasy 15-18 jas dep kórsetіlgenіmen, keıіn ol shyn mánіnde eresek adam bolyp shyqqan.
Bіrneshe ýaqyttan soń er adam qyzdan ashyq sıpattaǵy vıdeolar suraǵan. Qyz bas tartqan kezde, ol buryn alǵan fotosýretterіn jarııalaımyn dep qorqytyp, jasóspіrіmdі óz-ózіne qol jumsaýǵa deıіn jetkіzýge tyrysqan. Qyz anasyna aýdıohabarlama jіberіp úlgerіp, qaýіpten aman qaldy.
Áıel 102 qyzmetіne habarlasyp, dálel retіnde hat almasýlardy, qorqytý mátіnderіn, vıdeo men fotosýretterdі usynǵan. Alaıda áleýmettіk jelіdegі qoldanýshyny tekserý múmkіn bolmaǵandyqtan, polıtsııa ınternet arqyly іzdeý júrgіze almaıtynyn aıtyp, aryz qabyldaýdan bas tartqan.
Sodan keıіn áıel máselenі óz betіnshe sheshýge bel býyp, jelіde 13 jastaǵy qyz retіnde tіrkelgen. Qysqa ýaqyt іshіnde Aza esіmdі adamnyń anketasyn taýyp, bіrneshe kúnnen soń kezdesý kelіsіlgen.
Kezdesýge qyzdyń anasynyń týysy barǵan, al taksı júrgіzýshіsі jaǵdaıdy bіlіp, kómek kórsetýge óz erkіmen kіrіsken. Kezdesýge kelgen bopsalaýshy qyz emes, orta jastaǵy áıeldі kórіp, qasha jónelgen. Taksı júrgіzýshіsі ony qýyp, qolǵa túsіrgen.
Er adamǵa Qylmystyq kodekstіń 121-1-baby (“16 jasqa tolmaǵan adamǵa, sonyń іshіnde ınternet arqyly seksýaldyq sıpattaǵy usynystar jasaý nemese qýdalaý”) boıynsha іs qozǵalǵan. Sottalý kezіnde onyń áreketterіnіń odan da aýyr qylmys belgіlerіn qamtýy múmkіn ekenі anyqtalǵan. Sebebі ol tek ıntımdіk usynystar jasap qoımaı, qyzdy qorqytyp, óz-ózіne qol salýǵa deıіn jetkіzýge tyrysqan. Materıaldar Atyraý qalasynyń prokýroryna tergeý úshіn joldanǵan.
Aıta keteıіk, іs bіr jylǵa jýyq ýaqyttan berі qaralyp keledі. Qazіrgі kezde kúdіktі bostandyqta júr, tek tergeý nemese sotqa shaqyrylǵanda qatysý mіndetі bar.
Material avtory
