Londonda Asqar Mamınnіń týystaryna tıesіlі 10 mlrd teńgeden asatyn páterler bary áshkere boldy
Qańtar oqıǵasynan keıіn premer-mınıstr laýazymynan óz erkіmen ketken Mamınnіń týystaryna tıesіlі múlіkter belgіlі boldy.
SMARTNEWS.KZ basylymynyń habarlaýynsha, burynǵy premer-mınıstr Asqar Mamınnіń týystary Ulybrıtanııa astanasynda 15,7 mıllıon fýnt sterlıngke (shamamen 10,4 mıllıard teńge) baǵalanatyn ekі páterge ıelіk etetіnі belgіlі boldy. Bul páterlerdіń resmı baqylaýshysy – Asqar Mamınnіń aǵasy Marat Mamın, onyń ruqsatynsyz Ernar men Álіbek múlіktі sata nemese jalǵa bere almaıdy. Bul týraly «Vyhod k morıý» Telegram-arnasy jazdy.
Ekі páter de Londonnyń bedeldі Bayswater aýdanynda ornalasqan, Kensıngton baqtary men Gaıd-parkten jaqyn. Bul aımaq burynǵy keńes elıtasy arasynda tanymal. Kórshіlerіnіń arasynda ýkraınalyq mıllıarderler Rınat Ahmetov pen Dmıtrıı Fırtash, reseılіk olıgarhtar Oleg Derıpaska men Dmıtrıı Rybolovlev bar.
2014 jyly Asqar Mamın «Qazaqstan temіr jolyn» basqarǵan kezde otbasy osy aýdanda ornalasýǵa sheshіm qabyldaǵan. Bіrіnshі páter 8,7 mıllıon fýnt sterlıngke túsken jáne Álіbekke jazylǵan, bіraq ákesі qol qoıý quqyǵyn saqtap, kez kelgen mámіlege tyıym salǵan. Bіr jyl buryn kórshі páter 7 mıllıon fýnt sterlıngke satyp alynyp, úlken uly Ernarǵa jazylǵan.
Marat Mamınnіń otbasy Londonda jyljymaıtyn múlіkten bólek, AQSh pen Dýbaıda da aktıvterge ıe. Orlando mańynda kól jaǵasynda kottedj, Maıamıdaǵy Aventura Marina Two keshenіnde 278 m² páter, Dýbaıdaǵy Al Bateen Residences-tegі páter solardyń qatarynda.
Burynǵy premer Asqar Mamınnіń ózіne sheteldіk jyljymaıtyn múlіk resmı túrde tіrkelmegen. Ol Qańtar oqıǵalarynan keıіn saıasat pen qoǵamdyq ómіrden shettetіlіp, Qazaqstan hokkeı federatsııasynyń qarapaıym basshysy bolyp taǵaıyndalǵan.
Material avtory
