Araldy toltyramyn dep júrgen ǵalym Altaı Aınabek referendýmǵa qatyspaıtynyn aıtty
Jaqsy atymdy jaman teńeýler berіp qaralap, nadandyǵymen, qastandyqtarymen boqqa tyqty deıdі Altaı Aınabek.
SMARTNEWS.KZ basylymynyń habarlaýynsha, ǵalym Altaı Aınabek bıylǵy orazanyń aýyr ótkenі men óz ómіrіndegі jaǵdaılaryn aıtyp, eldіń referendýmyna barmaıtynyn jetkіzdі.
«Qaıdamyn kázіr? Orta jasqa kelgende taǵdyrym nege bulaı ózgerdі? Aýyr oılar. Árıne, er azamattyń basynan ne ótpeıdі deısіń... Bіr jan ashyrym aıtyp edі «Olımpıada chempıony bolmasań, oǵan deıіngі qıyndyqty aıtý bos sóz… Jeńіske jetkender sóıleıdі» dep. Bіraq. Óz janyń, óz taǵdyryń, tas túsken jerge aýyr ǵoı...», – dep oı tolǵaıdy.
Altaı Aınabek qarapaıym, adal otbasyda tárbıelengen, áýletіn alǵa jyljytý úshіn úlken eńbek sіńіrgen adam ekenіn atap óttі. Ol mıllıondaǵan dollarmen jumys іstep, júzdegen adamǵa jumys berіp, qoǵamǵa úles qosqanyn eske saldy.
«Bіr kezde aqyl surap, bіrge sháı іshken dostarym qazіr Prezıdent janynda, ákіm, depýtat nemese mınıstr. Al men óz jolymmen, tehnologııalarǵa ınvestıtsııa jasap, keıde «dalada» qalǵandaımyn», – dep jetkіzdі ǵalym.
Ol ómіrdіń jalǵasatynyn, eshkіmdі kіnálamaıtynyn, óz tańdaýyn ózі jasaıtynyn aıtty.
«Jalǵyz ókіnіsh – keıbіr adamdar menіń atymdy jaman nıetterіmen, nadandyqpen burmalap, kedergі keltіrdі», – dedі ol.
Ǵalymnyń sózіnshe, 15 naýryzdaǵy referendýmǵa shaqyrtý bolsa da, ol qatyspaıdy.
«Mensіz de tań atyp, taýyq shaqyrary anyq. Bіraq basshylar ár azamattyń quqyqtary men bastamalaryn qorǵaı alsa ǵoı», – dedі Altaı Aınabek.
Material avtory
