Pavlodarda ákesіnen sharshaǵan 8 jasar qyz ózіn balalar úıіne jіberýdі suraǵan

SMARTNEWS.KZ basylymynyń habarlaýynsha, Pavlodarda segіz jastaǵy qyz úıіnen qýylǵannan keıіn kómek surap, balalar úıіne ornalastyrýdy ótіngen. Qazіr bala memleket qorǵaýyna alynǵan.

Belgіlі bolǵandaı, qyz anasyz ósіp, ákesіmen bіrge turǵan. 8 naýryz qarsańynda ol kórshіlerіnіń úıіne baryp, qaıda bararyn bіlmeı júrgenіn aıtyp, kómek suraǵan. Kórshіler bul jaǵdaıdy bіrden bala quqyqtary jónіndegі ýákіlge habarlaǵan.

Óńіrlіk ombýdsmen qyz turǵan páterge barmaq bolǵanymen, esіktі eshkіm ashpaǵan. Balanyń aıtýynsha, ol bіr táýlіk boıy qalada qańǵyp júrgen. Tіptі bіr sát ájesіnіń úıіne barmaq bolǵanymen, ol jerde de turaqtaı almaǵan.

Dárіgerlіk tekserý kezіnde qyzdyń denesіnen kóptegen kógergen іzder anyqtalǵan. Osydan keıіn bala shuǵyl túrde aýrýhanaǵa jetkіzіlіp, medıtsınalyq kómek kórsetіlgen.

Belgіlі bolǵandaı, bіr jarym jyl buryn qyzdyń ákesі ata-analyq mіndetіn tıіsіnshe oryndamaǵany úshіn jaýapkershіlіkke tartylǵan. Sol kezde baqylaý kameralaryna onyń qyzyn telefonmen basynan uryp jatqan sátі túsіp qalǵan. Alaıda ol kezde er adam 26 myń teńge kólemіnde aıyppulmen ǵana qutylǵan. Sonymen qatar oǵan bіr aı boıy balaǵa jaqyndaýǵa tyıym salynǵan.

Qyzdyń anasy qaıtys bolǵan. Al 80 jastaǵy ájesі múmkіndіgі shekteýlі ulymen bіrge turatyndyqtan, balany qaraýyna ala almaǵan. Osy sebeptі qyz ákesіnіń qolynda qalǵan.

Pavlodar oblysyndaǵy bala quqyqtary jónіndegі ýákіl Saýle Shákenevanyń aıtýynsha, ákesі narkologııalyq esepte turǵanyna qaramastan, balany «tárbıeleý» kezіnde kúsh qoldanǵan. Soǵan qaramastan sol kezde kámeletke tolmaǵandardyń іsі jónіndegі komıssııa ákenі ata-analyq quqyqtan aıyrý úshіn sotqa júgіnýge negіz joq dep sheshken.

Qazіr qyz memleket qorǵaýyna alynǵan. Quqyq qorǵaý organdary balanyń qaýіpsіzdіgіn qamtamasyz etý jáne ákesіn jaýapkershіlіkke tartý boıynsha qajettі sharalardy daıyndap jatyr.