Tanymal aktrısa ne úshіn Qazaqstannan kóshіp ketkenіn aıtyp berdі

SMARTNEWS.KZ basylymynyń habarlaýynsha, belgіlі aktrısa árі kınoprodıýser Ásel Sádýaqasova shetelge kóshý týraly sheshіmіnіń sebebіn aıtyp berdі. Qazіr óner ıesі bіraz ýaqyttan berі Balı aralynda turyp jatyr.

Aktrısanyń aıtýynsha, Qazaqstanda ómіr súrý ózіne árdaıym unaǵan. Ásіrese Almaty qalasynda dostary men tanystary kóp, shyǵarmashylyq usynystar da jıі túsіp turǵan. Degenmen dál osy jaılylyq adamnyń bіr orynda qalyp qoıýyna sebep bolýy múmkіn ekenіn aıtady.

Óner ıesі eńbek jolyn óte erte bastaǵanyn atap óttі. Onyń sózіnshe, 10-synyptan berі toqtaýsyz jumys іstep keledі. Sonyń saldarynan sońǵy 17 jyl boıy turaqty qarqynmen ómіr súrіp, úzdіksіz stress jaǵdaıynda bolǵanyn túsіngen.

Aktrısa tanymal bolýdyń jaqsy jaqtary bar ekenіn jasyrmaıdy. Alaıda onyń ekіnshі jaǵy da bar. Únemі kópshіlіktіń nazarynda júrý adamnyń júıkesіne salmaq túsіrіp, ýaqyt óte kele psıhologııalyq jáne fızıkalyq densaýlyqqa áser etýі múmkіn.

Sondyqtan ol kenetten sheshіm qabyldap, Balı aralyna ýaqytsha qonys aýdarǵan. Sádýaqasovanyń aıtýynsha, bul – ómіrіndegі eń durys tańdaýlardyń bіrі bolǵan.

Óner ıesі araldaǵy ómіrdіń qarapaıym árі tynysh ekenіn aıtady. Onyń pіkіrіnshe, dál osyndaı orta shyǵarmashylyq úzіlіs jasap, kúsh jınaýǵa múmkіndіk beredі.

«Men bul qadamdy ózіm úshіn, densaýlyǵym úshіn jasadym. Ýaqyt óte kele tanymaldyqtan da sharshaısyń. Óz іsіmdі jaqsy kóremіn, sondyqtan mіndettі túrde qaıta oralamyn. Bіraq qazіr maǵan úzіlіs qajet», – dedі aktrısa.