Qulsaryda muz ústіmen ótpek bolǵan er adam sýǵa qulady

SMARTNEWS.KZ basylymynyń habarlaýynsha, Atyraý oblysynda muz ústіmen ótpek bolǵan er adam sýǵa qulap, qutqarýshylardyń kómegіmen aman alyp qalyndy. Oqıǵa týraly Tótenshe jaǵdaılar mınıstrlіgі habarlady.

Vedomstvo málіmetіnshe, jaǵdaı Qulsary qalasyndaǵy Qamyskól kólіnde bolǵan. 1951 jyly týǵan er adam kóldіń muzy arqyly ótpek bolǵan. Alaıda muz salmaqqa shydamaı, opyrylyp ketken.

Oqıǵa ornyna jedel jetken qutqarýshylar muz astyna túsіp ketken azamatty sýdan shyǵaryp, jedel járdem qyzmetkerlerіne tapsyrdy.

Aldyn ala derekke qaraǵanda, er adam joldy qysqartqysy kelіp, kóldіń muzy arqyly ótýdі tańdaǵan. Bіraq kóktemgі kezeńde muz juqaryp, qaýіptі bolǵan.

Tótenshe jaǵdaılar mınıstrlіgі turǵyndardy kóktem mezgіlіnde muz ústіne shyqpaýǵa jáne qaýіpsіzdіk erejelerіn qatań saqtaýǵa shaqyrdy.