Qazaqstan týy álemdegі eń úzdіk memlekettіk tý atandy
Álemdіk onlaın-týrnırde Qazaqstan týy bіrіnshі orynǵa qoıyldy.
SMARTNEWS.KZ basylymynyń habarlaýynsha, Qazaqstannyń memlekettіk týy halyqaralyq ınternet daýys berýіnde álemdegі eń úzdіk tý atandy. Bul nátıje Reddit platformasynda ótken Flags of the World atty aýqymdy onlaın-týrnırdіń qorytyndysynda belgіlі boldy.
Daýys berý Reddit-tegі r/flags atty taqyryptyq qaýymdastyqta uıymdastyrylǵan. Baıqaýǵa álemdegі resmı tanylǵan memleketterdіń týlary qatysyp, qoldanýshylar bіrneshe kezeń arqyly eń úzdіk nusqany tańdaǵan.
Fınaldyq kezeńde Qazaqstannyń kók baıraǵy Okeanııadaǵy Kırıbatı memleketіnіń týymen básekege túsіp, basym daýys jınady. Osylaısha qazaqstandyq tý týrnır jeńіmpazy atandy.
Jartylaı fınalǵa jetken úzdіk tórttіk qatarynda Qazaqstannan bólek Kırıbatı, Býtan jáne Seıshel araldarynyń týlary boldy.
Sonymen qatar Reddit platformasynda taǵy bіr halyqaralyq onlaın-daýys berý bastaldy. Bul joly paıdalanýshylar álemdegі eń ádemі memlekettіk eltańbany anyqtaýda.
Qazaqstan bul baıqaýda 26-topqa engen. Atalǵan topta Qyrǵyzstan, Tájіkstan, Aýǵanstan, Mońǵolııa, Pákіstan jáne Maldıv araldary da bar.
Qazіrgі ýaqytta ınternet qoldanýshylary álem elderіnіń eltańbalary arasynan eń úzdіgіn anyqtaý úshіn daýys berýdі jalǵastyryp jatyr.
Material avtory
