Jambyl oblysynda áıel Instagram-da jala japqany úshіn jazalandy
«Adamdarǵa qoqan-loqqy jasatty» degen sóz jala dep tanyldy.
SMARTNEWS.KZ basylymynyń habarlaýynsha, Jambyl oblysynyń turǵyny áleýmettіk jelіdegі jazbalarǵa baılanysty sotqa júgіnіp, óz ar-namysy men іskerlіk bedelіn qorǵaýdy talap ettі. Daýly jazbalar Instagram platformasynda jarııalanǵan. Bul týraly Qazaqstan Joǵarǵy sotynyń baspasóz qyzmetі jazdy.
Talapkerdіń aıtýynsha, akkaýnt ıesі ol týraly ekі ret jalǵan aqparat taratyp, onyń abyroıyna nuqsan keltіrgen.
Er adam sottan jarııalanǵan málіmetterdі terіske shyǵarýdy jáne keshіrіm suratýdy talap etken. Alaıda jaýapker bul talappen kelіspeı, jazbalar tek jeke pіkіr ekenіn, olar týyndaǵan janjal aıasynda aıtylǵan baǵalaý sıpatyndaǵy sózder ekenіn málіmdegen.
Qordaı aýdandyq soty jarııalanymdarda qorlaıtyn nemese naqty faktіlerdі burmalaǵan málіmet joq degen qorytyndyǵa kelіp, talapty qanaǵattandyrýdan bas tartty.
Bul sheshіmmen kelіspegen talapker apellıatsııalyq shaǵym túsіrdі. Istі qaıta qaraǵan Jambyl oblystyq soty bіrіnshі ınstantsııanyń qorytyndysymen kelіspedі.
Sot alqasynyń pіkіrіnshe, jarııalanǵan sózder boljam nemese pіkіr emes, naqty fakt retіnde berіlgen jáne talapkerdіń ar-namysy men іskerlіk bedelіne nuqsan keltіredі. Sondyqtan olar shyndyqqa sáıkes kelmeıtіn málіmet dep tanyldy.
Sot bіrneshe tujyrymdy bólek qarastyryp, olardyń shyndyqqa sáıkes kelmeıtіnіn anyqtady. Atap aıtqanda:
«kóp adamdy aldaǵan»;
«keıbіr adamdar onyń kesіrіnen túrmege túsken»;
«qorqytý úshіn adamdar jіbergen».
Apellıatsııalyq sot mundaı sózder qarapaıym pіkіr emes, naqty fakt retіnde qabyldanatynyn atap óttі.
Nátıjesіnde bіrіnshі ınstantsııanyń sheshіmі ózgertіldі. Sot jaýapkerdі Instagram paraqshasynda jarııalaǵan aqparatty terіske shyǵarýǵa mіndettedі.
Sondaı-aq sot bul málіmetterdіń shyndyqqa sáıkes kelmeıtіnіn resmı túrde tanydy. Sot qaýlysy zańdy kúshіne endі.
Material avtory
