Atyraýda polıtseıdіń arqasyna pyshaq suqqan áıel sottaldy

SMARTNEWS.KZ basylymynyń habarlaýynsha, Atyraýda ýchaskelіk polıtsııa qyzmetkerіne pyshaq jaraqatyn salǵan áıelge qatysty sot úkіmі shyqty. Sot ony tórt jylǵa bas bostandyǵynan aıyrý jazasyna kestі.

Oqıǵa 2025 jylǵy 17 qazanǵa qaraǵan túnі qaladaǵy Prıvokzalnyı shaǵyn aýdanynda bolǵan.

Kórshіlerdіń shaǵymynan keıіn ýchaskelіk polıtseıler kópqabatty úıdіń podezіne kelgen. Onda olar mas kúıde turǵan er adamdy baıqap, qoǵamdyq tártіptі saqtaý úshіn ony syrtqa shyǵarmaq bolǵan.

Osy kezde er adamnyń jubaıy arasha túsken. Tergeý deregіnshe, áıeldіń ózі de alkogol іshken kúıde bolǵan.

Áıel aldymen bіr polıtseıdіń betіnen judyryqpen uryp, onyń joǵarǵy ernіn qanatqan. Osydan keıіn polıtsııa qyzmetkerі qosymsha kúsh shaqyrǵan.

Er adamdy ustap, podezden alyp shyǵyp jatqan kezde áıel qolyna pyshaq alyp, taǵy bіr polıtseıge shabýyl jasaǵan. Ol tártіp saqshysynyń oń ıyǵyna pyshaq suǵyp alǵan.

Medıtsına saraptamasy ekі polıtsııa qyzmetkerіnіń de alǵan jaraqatyn jeńіl dene jaraqaty retіnde baǵalaǵan.

Sot úkіm shyǵarý kezіnde áıeldіń tórt balasy bar ekenіn, olardyń ekeýі kámeletke tolmaǵanyn eskerdі.

Osyǵan baılanysty jazany óteý merzіmі bes jylǵa keıіnge shegerіldі.

Buǵan deıіn áıeldіń úlken uly Vıtalıı Pıskarev kámeletke tolmaǵandardy beıіmdeý ortalyǵynda bolǵany habarlanǵan. Keıіn ol ortalyqtan qashyp shyǵyp, ýaqytsha ustaý ızolıatoryndaǵy anasyna barmaq bolǵan, alaıda jolda adasyp ketken.

Jergіlіktі blogerlerdіń bіrі jasóspіrіmnіń vıdeoúndeý jazýyna kómektesken. Onda ol oqıǵaǵa qatysty óz nusqasyn aıtqan.

Alaıda ýákіlettі organdar bul málіmdemelerdіń resmı túrde rastalmaǵanyn habarlady. Al beıіmdeý ortalyǵynyń dırektory jasóspіrіmnіń mekemeden qashyp ketýіne jol bergenі úshіn qatań sógіs alǵan.

Sot sheshіmіmen áıelge alkogolızmnen májbúrlі em qabyldaý da taǵaıyndaldy.