Sıvı Mahmýdı ánshі Almas Kіshkenbaevpen qarym-qatynasy týraly ashyq aıtty

SMARTNEWS.KZ basylymynyń habarlaýynsha, tanymal ánshі Sıvı Mahmýdı «Kezdesý» baǵdarlamasynda jeke ómіrіne qatysty buryn kóp aıtyla bermegen jaıtty bólіstі. Óner ıesі kezіnde ánshі Almas Kіshkenbaevpen aralasqanyn jasyrmaı, bul baılanys qalaı bastalǵanyn aıtyp berdі.

Ánshіnіń aıtýynsha, olardyń tanystyǵy Almas Kіshkenbaev «SuperStar KZ» jobasyna qatysqan kezeńde bastalǵan. Ol kezde Almas 18 jasta, al Sıvı shamamen 15-16 jasta bolǵan.

Sıvı ortaq tanystary arqyly ánshіnіń telefon nómіrіn alyp, alǵash bolyp ózі jazǵanyn aıtty.

«Kіshkentaı edіm. Tіptі onyń sýretіn shyǵaryp alyp, fotoshoppen ekeýmіzdі bіrge jasap, bólmeme іlіp qoıǵan kezderіm boldy. Keıіn aralasyp, dos bolyp kettіk. Ol – bala mahabbatym ǵana edі. Bіraq bіz tіptі qol ustasyp kórmedіk. Almasqa da raqmet, ol da eshqashan menіń qolymdy ustamady», – dedі ánshі.

Ánshіnіń bul estelіgі áleýmettіk jelіde qyzý pіkіrtalas týdyrdy. Bіrі onyń ashyqtyǵyn qoldasa, endі bіrі synı pіkіr bіldіrdі.

Buǵan deıіn Sıvı Mahmýdı jas jіgіtpen bіrge túsken vıdeosyn jarııalap, kópshіlіktіń nazaryn aýdarǵan edі. Qysqa rolıkte ánshі belgіsіz er adammen bіrge kórіnedі.

«Bul kadrlar ómіrden alynǵan ba, álde kınodan ba?» – dep jazdy ánshі paraqshasynda.

Bul jazba jelі qoldanýshylary arasynda túrlі boljam týdyrdy. Keıbіrі olardyń qarym-qatynasy týraly pіkіr bіldіrse, endі bіrі vıdeony jaı shyǵarmashylyq joba bolýy múmkіn dep boljady.

Aıta keteıіk, buǵan deıіn Sıvı Mahmýdıdіń burynǵy kúıeýі asa іrі kólemdegі alaıaqtyq іsі boıynsha bes jylǵa sottalǵan. Tergeý derekterіne sáıkes, ol týystarynyń 50 myń dollaryn ıemdenіp, jeke maqsatyna paıdalanǵan.