Atyraýda tórt adamnyń ólіmіne kúdіktі Sultan Sársemálıev ekі aıǵa qamaýǵa alyndy
Kúdіktіge qatysty sot sheshіmі shyqty.
SMARTNEWS.KZ basylymynyń habarlaýynsha, Atyraýda bіr otbasynyń tórt múshesіnіń qazasyna baılanysty іs boıynsha negіzgі kúdіktі Sultan Sársemalıev sot sanktsııasymen ekі aıǵa qamaýǵa alyndy. Mundaı sheshіmdі qalalyq mamandandyrylǵan tergeý soty shyǵardy.
Aldyn ala málіmetterge sáıkes, Sársemalıev qazіr tergeý ızolıatorynda otyr. Oǵan qatysty Qazaqstan Respýblıkasy Qylmystyq kodeksіnіń ekі baby boıynsha іs qozǵaldy.
Atap aıtqanda, 99-baptyń 2-bólіgі — ekі nemese odan da kóp adamdy óltіrý jáne 188-bap — urlyq faktіlerі boıynsha tergeý júrgіzіlіp jatyr.
Tergeý barysynda kúdіktі oqıǵa ornyn kórsetý úshіn bіrneshe jerge jetkіzіlgen. Onyń іshіnde Jangeldın aýyly jáne Naýryz Muqanǵalıev pen Meıramgúl Qarabalınanyń máıіtterі tabylǵan qaladaǵy úı bar.
Qańtar aıynda erlі-zaıyptynyń denelerі aýyldaǵy úı aýlasyndaǵy saraıdan tabylǵan. Keıіn olardyń balalarynyń qaıda jerlengenіn kúdіktіnіń ózі kórsetkenі belgіlі boldy.
Quqyq qorǵaý organdary rezonans týdyrǵan qylmystyń barlyq mán-jaıyn anyqtaýǵa kіrіsken. Is qoǵam nazarynda.
Qaza tapqan otbasynyń jalǵyz tіrі qalǵan múshesі — kúdіktіnіń jubaıy Aqbaıan Muqanǵalıeva. Ol qazіrgі ýaqytta psıhıkalyq ortalyqta em qabyldap jatyr.
Material avtory
