Atyraýda 2 mln teńge bopsalaǵan blogerge úkіm shyqty
Qalaǵa belgіlі bloger men sybaılasy jazalandy.
SMARTNEWS.KZ basylymynyń habarlaýynsha, Atyraýda kásіpkerden 2 mıllıon teńge bopsalady degen aıyppen sottalǵan bloger men onyń tanysyna qatysty úkіm jarııalandy. Aıyptalýshylar kіnálaryn moıyndamaǵanymen, sot olardy kіnálі dep tanydy.
Tergeý nusqasyna sáıkes, ótken jyldyń mamyr aıynda bloger qaladaǵy bіr JShS aýmaǵynda saqtalǵan ónіmderdі vıdeoǵa túsіrіp, kásіporyn aýlasynyń retsіz jatqanyn kórsetetіn rolıktі Instagram paraqshasyna jarııalaǵan.
Keıіn ol jazbany óshіrý úshіn deldal retіnde tanysyn paıdalanyp, kásіporyn dırektorynan 2 mıllıon teńge talap etken. Kásіpker bul jaǵdaı boıynsha polıtsııaǵa júgіnіp, kúdіktіler ustalǵan.
Is ekі bap boıynsha qaraldy: aldyn ala sóz baılasý arqyly jasalǵan bopsalaý jáne bılіk ókіlіne kúsh qoldaný.
Tergeý barysynda blogerdіń páterіnde júrgіzіlgen tіntý kezіnde ol polıtsııa qyzmetkerіne qol kóterіp, soqqy jasaǵany anyqtalǵan.
Atyraý qalalyq №2 sotynyń sýdıasy Jumaǵalı Táshіmov aıyptalýshylar taǵylǵan aıyppen kelіspegenіn, aqtaýdy suraǵanyn aıtty.
Alaıda sot olardyń kіnásіn jábіrlenýshіlerdіń, kýálardyń aıǵaqtary jáne tergeý barysynda túsіrіlgen beınematerıaldar arqyly dáleldengenіn málіmdedі.
Nátıjesіnde bloger 4 jylǵa bas bostandyǵynan aıyryldy. Onyń kámeletke tolmaǵan balalary bar ekenіn eskerіp, jaza ekі jylǵa keıіnge shegerіldі.
Al onyń sybaılasy buryn sottalǵanyn eskere otyryp, dál osyndaı merzіmge sottaldy. Bul jaza taǵaıyndaýda aýyrlatatyn jaǵdaı retіnde qaraldy.
Úkіm ázіrge zańdy kúshіne engen joq.
Material avtory
