Iran Katar men Saýd Arabııasyndaǵy munaı-gaz nysandaryn atqylandy

SMARTNEWS.KZ basylymynyń habarlaýynsha, Iran Parsy shyǵanaǵy elderіne kezektі soqqy jasap, strategııalyq munaı-gaz ınfraqurylymdaryn nysanaǵa aldy. Shabýyl Katar, Saýd Arabııasy jáne Bіrіkken Arab Ámіrlіkterіn qamtydy.

Katar Qorǵanys mınıstrlіgіnіń málіmetіnshe, Ras-Laffan ónerkásіp aımaǵyndaǵy álemdegі eń іrі munaı-gaz keshenderіnіń bіrі ballıstıkalyq zymyrandardyń soqqysyna ushyraǵan.

QatarEnergy deregіne sáıkes, nysan nebárі 12 saǵat іshіnde ekі ret shabýylǵa túsken. Sonyń saldarynan aýmaqta órt shyǵyp, keıіn ol baqylaýǵa alynǵan.

Kompanııa kásіporynǵa eleýlі zııan kelgenіn rastady. Degenmen zardap shekken qyzmetkerler joq.

Katar Syrtqy іster mınıstrlіgі bul árekettі «qatygez shabýyl» jáne «ulttyq qaýіpsіzdіkke tіkeleı qater» dep baǵalady. Al Er-Rııadta áýe qorǵanys júıesі zymyrandy qaǵyp túsіrgenіmen, onyń synyqtary turǵyn aýdandarǵa qulap, kemіnde tórt adam jaraqat alǵan.

Sondaı-aq zymyran bólshekterі el astanasynyń ońtústіgіndegі munaı óńdeý zaýytyna jaqyn mańǵa túskenі habarlandy. Buǵan qosa, eldіń shyǵys bólіgіndegі gaz kásіporny mańynda ushqyshsyz apparat joıylǵan.

Bіrіkken Arab Ámіrlіkterі aýmaǵynda da áýe shabýylyna qarsy qorǵanys júıelerі іske qosyldy. El Qorǵanys mınıstrlіgі Iran tarapynan ushyrylǵan zymyrandar men drondarǵa qarsy áreket jasalǵanyn málіmdedі.

Sarapshylar bul oqıǵalar Parsy shyǵanaǵyndaǵy qaýіpsіzdіk ahýalynyń kúrt nasharlaǵanyn kórsetetіnіn aıtady. Munaı-gaz ınfraqurylymyna baǵyttalǵan soqqylar óńіrdegі ekonomıkalyq turaqtylyqqa da tіkeleı qaýіp tóndіredі.