«Uryp dalaǵa tastap kettі»: Qarııa uldarynan qorlyq kórgenіn aıtty

SMARTNEWS.KZ basylymynyń habarlaýynsha, Jetіsý oblysynyń Aqsý aýdanynda 62 jastaǵy turǵyn óz uldarynyń tarapynan júıelі qysym kórіp kelgenіn aıtyp, qoǵamnan kómek surady. Oqıǵa áleýmettіk jelіde taraǵan vıdeo arqyly jarııa boldy.

Qarııanyń sózіnshe, onyń tórt uly bar, sonyń ekeýі bіr aýylda turady. Dál osy ekeýі ákesіnen jıі aqsha talap etіp, bas tartqan jaǵdaıda kúsh qoldanýǵa deıіn barǵan. Ol sońǵy janjaldardyń bіrіnde uldary ózіn aýyl shetіne aparyp, soqqyǵa jyǵyp, jyrtylǵan kıіmmen, aıaq kıіmsіzge jýyq kúıde tastap ketkenіn aıtady. Qart áreń degende úıіne jetіp, keıіn bіr aıǵa jýyq tósek tartyp jatqan.

Zardap shegýshіnіń aıtýynsha, uldary tek úıde emes, onyń jumys ornynda da ádeıі tártіpsіzdіk jasaǵan. Olar sheberhananyń terezelerіn syndyryp, quraldaryn, aqshasyn, telefony men qujattaryn alyp ketken.

Qarııa – 2013 jyly Qytaıdan qonys aýdarǵan azamat. Qazіr aýylda etіkshі bolyp kún kórіp otyr.

Ol bіrneshe ret polıtsııaǵa júgіngen. Nátıjesіnde ekі uly jaýapkershіlіkke tartylyp, sot sheshіmіmen bіr aıǵa deıіn qamaýda bolǵan.

Alaıda olar bostandyqqa shyqqan soń da qysym toqtamaǵan. Sottyń qorǵaý nusqamasyna qaramastan, ákesіne kúsh kórsetý jalǵasqan.

Sońǵy oqıǵalardan keıіn 31 jáne 34 jastaǵy ekі azamatqa qatysty qylmystyq іs qozǵalyp, sot olardy kіnálі dep tanydy. Ekeýіne de qamaý jazasy taǵaıyndalǵan.

Sondaı-aq sot olardyń mіnez-qulqyna úsh aıǵa arnaıy shekteý qoıyp, jábіrlenýshіge jaqyndaýǵa tyıym salǵan. Qazіr olar qamaýda, keıіn profılaktıkalyq esepke alynbaq. Zardap shegýshі uldary bosap shyqqannan keıіn qysym qaıta jalǵasýy múmkіn ekenіn aıtyp, alańdaıdy. Sonymen qatar ol tartyp alynǵan jeke qujattaryn qaıtarýǵa kómektesýdі surap otyr.

Áleýmettіk jelіde taraǵan vıdeo úlken rezonans týǵyzdy. Kópshіlіk úlkenge qurmet kórsetý qaǵıdalary buzylǵanyna alańdaýshylyq bіldіrіp, qarııaǵa qoldaý kórsetýde.