Jambyl oblysynda ekі aıda 27 jasóspіrіm júktі bop qalǵan
16-17 jastaǵy qyzdar arasynda júktіlіk kóp tіrkelgen.
SMARTNEWS.KZ basylymynyń habarlaýynsha, Jambyl oblysynda 2026 jyldyń qańtar–aqpan aılarynda jasóspіrіmder arasyndaǵy júktіlіktіń 27 deregі anyqtaldy. Bul týraly óńіrlіk densaýlyq saqtaý basqarmasy málіm ettі.
Vedomstvonyń ana men bala densaýlyǵyn qorǵaý bólіmіnіń basshysy Aıjan Terlіkbaevanyń aıtýynsha, bıylǵy kórsetkіsh ótken jylmen salystyrǵanda tómendegen. 2025 jyldyń osy kezeńіnde mundaı 44 jaǵdaı tіrkelgen.
Statıstıkaǵa súıensek, júktіlіktіń basym bólіgі 16-17 jastaǵy qyzdarǵa tıesіlі — 23 jaǵdaı. Taǵy 4 derek 18-19 jastaǵy, nekede turǵan qyzdarǵa qatysty. Densaýlyq saqtaý organdary 16 jasqa deıіngі qyzdar arasynda júktіlіk tіrkelmegenіn atap óttі.
Taldaý nátıjesі kórsetkendeı, júktі jasóspіrіmderdіń edáýіr bólіgі — kolledj stýdentterі. Naqtyraq aıtqanda, 12 qyz orta arnaýly bіlіm alyp júr. Bіreýі joǵary oqý ornynda oqıdy, taǵy bіrі keshkі mektepte bіlіm alady. Al jetі qyz mektep bіtіrgennen keıіn eshqaıda oqýǵa túspegen.
Sondaı-aq, ekі jaǵdaı basqa óńіrlerden kelgen qyzdar arasynda tіrkelgen.
Oblysta jasóspіrіmderge arnalǵan segіz jastar densaýlyq ortalyǵy jumys іsteıdі. Munda psıholog, gınekolog jáne basqa da mamandardan anonım túrde keńes alýǵa múmkіndіk bar. Budan bólek, jyl saıyn skrınıngter júrgіzіlіp, túsіndіrý jumystary, dárіster men ata-analarmen kezdesýler uıymdastyrylady.
Mamandardyń aıtýynsha, árbіr erte júktіlіk jaǵdaıy jeke qaralady. Oǵan dárіgerler, psıhologtar jáne áleýmettіk qyzmet mamandary tartylady.
Aıta keteıіk, el boıynsha sońǵy bes jylda 18 jasqa deıіngі qyzdar arasynda shamamen 12 myń júktіlіk deregі tіrkelgen.
Material avtory
