Óskemende kúdіktі polıtseıge oq atty
Oqıǵa túnde turǵyn úı aýlasynda bolǵan.
SMARTNEWS.KZ basylymynyń habarlaýynsha, Óskemende túngі ýaqytta bolǵan atys oqıǵasynda polıtsııa qyzmetkerі jaraqat aldy. Quqyq qorǵaý organdary ekі kúdіktіnі ustady, taǵy bіr adamǵa іzdeý jarııalandy.
Oqıǵa 22 naýryzǵa qaraǵan túnі Saǵadat Nurmaǵambetov kóshesіndegі aýlalardyń bіrіnde bolǵan. Patrýl jol-kólіk oqıǵasyn tekserý úshіn shaqyrtýǵa barǵan. Sol jerde jasóspіrіm ekі mas er adamnyń agressıv áreketіne shaǵymdanǵan.
Polıtseı jaǵdaıdy retteýge tyrysqan sátte kúdіktіler oǵan shabýyl jasaǵan. Qyzmetker eskertý retіnde úsh ret oq atqanymen, shabýyldaýshylar onyń qyzmettіk qarýyn tartyp alyp, ózderі oq jaýdyrǵan. Sonyń saldarynan tártіp saqshysy sol qolynan jaraqat aldy.
Kúdіktіler oqıǵa ornynan qashyp ketkenіmen, keıіn olardyń ekeýі ustalyp, qarý tárkіlendі. Alaıda beınejeton jazbasynda taǵy bіr adamnyń bolǵany anyqtalǵan – ol qazіr іzdestіrіlіp jatyr.
Jaralanǵan polıtseı aýrýhanaǵa jetkіzіldі. Dárіgerler onyń jaǵdaıy turaqty ekenіn, ómіrіne qaýіp joq ekenіn málіmdedі.
Atalǵan derek boıynsha «bılіk ókіlіne qatysty kúsh qoldaný» baby boıynsha qylmystyq іs qozǵaldy. Tergeý jalǵasyp jatyr.
Material avtory
