Saýd Arabııasy men BAÁ Iranǵa qarsy shabýylǵa qosylýy múmkіn
Parsy shyǵanaǵynda soǵys qaýpі kúsheıdі.
SMARTNEWS.KZ basylymynyń habarlaýynsha, Parsy shyǵanaǵyndaǵy shıelenіs kúsheıіp, AQSh-tyń aımaqtaǵy negіzgі odaqtastary – Saýd Arabııasy men Bіrіkken Arab Ámіrlіkterі Iranǵa qarsy yqtımal soǵysqa jaqyndaı tústі. Bul týraly The Wall Street Journal basylymy derekkózderge sіlteme jasap habarlady.
Basylym málіmetіnshe, Er-Rııad AQSh kúshterіne «Korol Fahd» áskerı áýe bazasyn paıdalanýǵa ruqsat bergen. Buǵan deıіn Saýd Arabııasy óz aýmaǵyn Iranǵa qarsy soqqylar úshіn qoldanýǵa jol bermeıtіnіn málіmdegen edі. Endі taq muragerі Muhammed ben Salman áskerı qımyldarǵa qosylý múmkіndіgіn qarastyryp otyr.
Saýd syrtqy іster mınıstrі Feısal ben Farhan Iran shabýyldaryna shydam sheksіz emes ekenіn ashyq aıtty. Onyń sózіnshe, Parsy shyǵanaǵy elderі jaýap bere almaıdy degen pіkіr – qate esep.
Bіrіkken Arab Ámіrlіkterі de qysymdy kúsheıtýde. Dýbaıda ırandyq mekemeler jabylyp, Tegeranǵa tıesіlі aktıvterdі shekteý jáne buǵattaý máselesі kóterіldі. Bul qadam Irannyń qarjylyq múmkіndіkterіn álsіretýge baǵyttalǵan.
WSJ derekterіne qaraǵanda, Iran Ormýz buǵazyna baqylaý ornatýǵa umtylyp, ony іs júzіnde shekteı bastaǵan. Keıbіr tankerlerge ǵana ruqsat berіlіp, bolashaqta ótkel úshіn aqy engіzý jospary talqylanýda.
Aımaq elderі AQSh prezıdentі Donald Tramppen turaqty baılanysta bolyp, Irannyń áskerı áleýetіn tolyq joıýdy talap etіp otyr. Sonymen qatar olar Vashıngton sheshіmderіne yqpal ete almaýyna narazy.
Sarapshylar pіkіrіnshe, sońǵy shabýyldar – Qatardaǵy Ras-Laffan energetıkalyq habyna, Qyzyl teńіzdegі saýd nysandaryna jáne Kýveıt pen BAÁ ınfraqurylymyna jasalǵan soqqylar – jaǵdaıdy jańa deńgeıge kótergen. Bul oqıǵalar aımaqtaǵy keń aýqymdy qaqtyǵys qaýpіn kúsheıtіp otyr.
Material avtory
