Vengrııa Ýkraınaǵa gaz jіberýdі toqtatty

SMARTNEWS.KZ basylymynyń habarlaýynsha, Vengrııa Ýkraınaǵa gaz jetkіzýdі ýaqytsha toqtatty. Býdapeshttіń talaby naqty: «Drýjba» qubyry arqyly reseılіk munaı tasymaly qaıta jandanbaıynsha, Kıev vengr gazyn kórmeıdі. Bul týraly el premer-mınıstrі Vıktor Orban áleýmettіk jelіdegі vıdeoúndeýіnde málіmdedі.

Orbannyń sózіnshe, qazіrgі jaǵdaıda Vengrııa gazdy syrtqa shyǵarmaı, іshkі naryqqa saqtap, qor jınaýdy kúsheıtedі. Onyń aıtýynsha, bul qadam «energetıkalyq blokadany buzý» jáne eldіń qaýіpsіzdіgіn qamtamasyz etý úshіn qajet. Sonymen qatar, óńіrdegі energetıkalyq ınfraqurylymǵa jasalǵan shabýyldar jetkіzіlіmnіń turaqtylyǵyna qaýіp tóndіrіp otyr.

Energetıkalyq teketіres sońǵy aılarda kúrt ýshyqty. Qańtarda Ýkraına «Drýjba» qubyry arqyly Vengrııa men Slovakııaǵa munaı aıdaýdy toqtatqan. Kıev muny ınfraqurylymnyń zaqymdanýymen túsіndіrdі. Buǵan jaýap retіnde Býdapesht aldymen otyn jetkіzіlіmіn shektep, keıіn Ýkraınaǵa qatysty Eýroodaq sheshіmderіn buǵattaı bastady.

Orban buǵan deıіn de Kıevke jańa qarjylyq qoldaý paketterіn qoldamaıtynyn ashyq aıtqan. Áńgіme ondaǵan mıllıard eýroǵa baǵalanǵan EO kómegі týraly bolyp otyr. Vengrııa bul máselede munaı jetkіzіlіmі sheshіlmeıіnshe, ymyraǵa kelmeıtіnіn kórsetіp otyr.

Jalpy, Vengrııa Eýroodaqtaǵy reseılіk energoresýrstarǵa eń táýeldі elderdіń bіrі sanalady. Gazdyń negіzgі bólіgі «Túrіk aǵyny» arqyly kelse, munaı «Drýjba» qubyrymen jetkіzіledі. Osy táýeldіlіk Býdapeshttіń Brıýsselmen de, Kıevpen de jıі qaıshylyqqa túsýіne sebep bolyp otyr.

Saıası fon da jaǵdaıdy kúrdelendіrіp tur. 12 sáýіrde Vengrııada saılaý ótedі. Sarapshylar Orbannyń basty qarsylasy retіnde Peter Madıardy atap otyr. Energetıkalyq daǵdarys osy naýqannyń negіzgі taqyryptarynyń bіrіne aınalýy múmkіn.