Mıshýstın Qazaqstandaǵy reformalardy qoldaıtynyn málіmdedі
Reseı úkіmetі Toqaevtyń saıası baǵytyn joǵary baǵalady.
SMARTNEWS.KZ basylymynyń habarlaýynsha, Reseı úkіmetіnіń tóraǵasy Mıhaıl Mıshýstın Qazaqstandaǵy reformalarǵa qoldaý bіldіrіp, prezıdent Qasym-Jomart Toqaevtyń saıası baǵytyn joǵary baǵalady.
Qazaqstanǵa resmı saparmen kelgen Reseı Federatsııasy úkіmetіnіń tóraǵasy Mıhaıl Mıshýstın Memleket basshysyna jyly qabyldaý úshіn alǵys aıtty. Bul týraly Aqordaǵa jazdy.
Kezdesý barysynda Mıshýstın Qasym-Jomart Toqaevty jalpyhalyqtyq referendýmnyń sáttі ótýіmen jáne jańa Konstıtýtsııanyń qabyldanýymen quttyqtady. Onyń aıtýynsha, bul saıası qadam el azamattarynyń prezıdent júrgіzіp otyrǵan reformalar baǵytyn qoldaıtynyn kórsettі.
«Referendým Qazaqstan Prezıdentіnіń tıіmdі memleket qurý, ekonomıkany damytý jáne halyqtyń ál-aýqatyn arttyrýǵa baǵyttalǵan saıasatyna jalpyulttyq qoldaý bar ekenіn dáleldedі», – dedі Reseı úkіmetіnіń basshysy.
Mıshýstın sondaı-aq Reseı prezıdentі Vladımır Pýtınnіń sálemіn jetkіzіp, ekіjaqty qatynastardyń kún tártіbі men aldaǵy sapar máselelerі talqylanǵanyn aıtty.
«Jaqynda bіz Vladımır Vladımırovıch Pýtınmen ekіjaqty yntymaqtastyqtyń negіzgі baǵyttaryn jáne onyń mamyr aıynda Qazaqstanǵa josparlanǵan saparyn jan-jaqty talqyladyq. Úkіmet bul sapardyń nátıjelі ótýі úshіn barlyq qajettі sharalardy qabyldap jatyr», – dep atap óttі ol.
Kezdesý barysynda taraptar ekі el arasyndaǵy ózektі máseleler boıynsha pіkіr almasty.
Buǵan deıіn Memleket basshysy Qasym-Jomart Toqaev Reseı úkіmetіnіń tóraǵasy Mıhaıl Mıshýstındі qabyldaǵany habarlanǵan bolatyn.
Material avtory
