Mańǵystaýda kıіk ushasyn tasymaldaǵan er adam 3 jylǵa sottaldy
Brakonerlіkke qatysty úkіm shyqty.
SMARTNEWS.KZ basylymynyń habarlaýynsha, Mańǵystaý oblysynda kıіk ushasyn zańsyz tasymaldaǵan er adam 3 jylǵa bas bostandyǵynan aıyryldy. Úkіm Beıneý aýdandyq sotynda shyqty.
Mańǵystaý oblysynyń Beıneý aýdandyq soty sırek kezdesetіn janýarǵa qatysty zańsyz áreketke barǵan azamatqa úkіm shyǵardy. Sot ony kіnálі dep tanyp, 3 jylǵa bas bostandyǵynan aıyrý jazasyn taǵaıyndady.
Is Qylmystyq kodekstіń 339-baby 2-bólіgі 5-tarmaǵy boıynsha qaraldy. Bul bap joıylyp ketý qaýpі bar janýarlarǵa qatysty zańsyz áreketterdі qamtıdy. Atalǵan іs boıynsha qylmys nysany – kıіk bolǵan.
Tergeý materıaldaryna sáıkes, 2025 jylǵy 24 jeltoqsanda aıyptalýshy jeke kólіgіmen kıіk ushasyn zańsyz saqtap, tasymaldaǵan. Bul fakt sotta tolyq dáleldendі.
Sot barysynda aıyptalýshy kіnásіn tolyq moıyndap, usynylǵan dálelderge qarsylyq bіldіrmegen. Sondaı-aq ol jasaǵan іsіne ókіnіsh bіldіrіp, jazany jeńіldetýdі suraǵan.
Úkіm shyǵarý kezіnde sot qylmystyń qoǵamdyq qaýіptіlіgіn, aıyptalýshynyń mіnez-qulqyn, jeńіldetetіn mán-jaılardy eskerdі. Aýyrlatatyn jaǵdaılar anyqtalmaǵan.
Sot sheshіmіmen azamat 3 jylǵa bas bostandyǵynan aıyryldy. Qazіrgі ýaqytta úkіm zańdy kúshіne engen joq.
Material avtory
