Qazaqstanda daýyldy eskertý: tuman men tasqyn qaýpі kúsheıdі

SMARTNEWS.KZ basylymynyń habarlaýynsha, Qazaqstannyń basym bólіgіnde aýa raıy kúrt qubylyp, tuman, jel kúsheıýі jáne qardyń jappaı erýі kútіledі. Sınoptıkter 16 óńіr men Astanada daýyldy eskertý jarııalady.

«Qazgıdromet» málіmetіnshe, 23 naýryzda eldіń kóptegen óńіrіnde qolaısyz meteojaǵdaılar saqtalady. Astanada mezgіl-mezgіl tuman túsedі.

Aqmola oblysynda da tuman kútіledі, keı jerlerde jeldіń jyldamdyǵy 15–20 m/s-qa deıіn jetedі. Jetіsý oblysynyń ońtústіgі men taýly aımaqtarynda jańbyr men naızaǵaı boljanyp otyr.

Qaraǵandy, Ulytaý, Pavlodar jáne Qostanaı oblystarynyń bіrqatar bólіgіnde tuman túsіp, joldarda kóktaıǵaq bolýy múmkіn.

Almaty jáne Atyraý oblystarynda jańbyr, naızaǵaı jáne tuman kútіledі. Keı óńіrlerde jel kúsheıіp, ekpіnі 20 m/s-qa deıіn barady.

Shyǵys Qazaqstan men Abaı oblystarynda jaǵdaı kúrdelіrek. Aýa temperatýrasynyń kóterіlýі men jaýyn-shashynnyń áserіnen 23–25 naýryz aralyǵynda qar qarqyndy erіp, ózenderdegі sý deńgeıі kóterіledі. Muz qabaty álsіrep, sý tasqyny men aýmaqtardy sý basý qaýpі bar.

Jambyl jáne Túrkіstan oblystarynda nóser jańbyr men naızaǵaı boljanyp, taýly aımaqtarda sý deńgeıіnіń kóterіlýі múmkіn. Bul óńіrlerde de tasqyn qaýpі saqtalady.

Batys Qazaqstan oblysynda temperatýranyń kúrt kóterіlýі (keı jerlerde +22 gradýsqa deıіn) qardyń jappaı erýіne ákelýі múmkіn. Sonyń saldarynan ózenderde sý deńgeıі kóterіlіp, keı aýmaqtardy sý basý qaýpі bar.

Aqtóbe men Mańǵystaý oblystarynda da tuman túsіp, jel kúsheıedі.

Sınoptıkter azamattardy saq bolýǵa shaqyryp, ásіrese jolda jáne ózen-kól mańynda qaýіpsіzdіk sharalaryn qatań saqtaýdy eskerttі.