RUS
Sadaqshylar 30 metrden 70 metrge deıіngі qashyqtyqqa arnalǵan Pýta, Orta Azııa, Jamby nysana túrlerі boıynsha mergendіk sheberlіkterіn synasty.
Atyraý oblysy ákіmіnіń orynbasary Jasulan Bısembıev pen QR Ulttyq sport qaýymdastyǵynyń vıtse-prezıdentі-Bas hatshysy Tastanbek Esentaev atalǵan sharaǵa arnaıy qatysyp, jeńіmpazdardy marapattady.
«11 memlekettіń basyn qosyp, saıysta keremet óner kórsetken sadaqshylar men meımandar Atyraý óńіrіne qosh keldіńіzder! Tarıhı dástúrdіń jandanýyna bіrden-bіr septіgіn tıgіzіp jatqan sadaq atýdan «Altyn Orda» halyqaralyq týrnırіnіń bіzdіń óńіrde ótіp jatqanyn maqtanyshpen aıta alamyz. Osy oraıda, saıystyń ótýіne uıtqy bolǵan «Batu Han zhebesi» Atyraý oblystyq federatsııasynyń basshysy Beksultan Maratqa Atyraý oblysy ákіmіnіń Alǵys haty tabystalady. Mádenıet pen dástúr, ulttyq dástúrіmіzdіń jandanýyna arnalǵan aýqymdy sharalar álі de óz jalǵasyn tabady», - dedі oblys ákіmіnіń orynbasary J.Bısembıev.
Al, QR Ulttyq sport qaýymdastyǵynyń vıtse-prezıdentі-Bas hatshysy Tastanbek Esentaev jarystyń mańyzdylyǵyna toqtaldy.
«Dana halqymyzdyń qasıettі tіlіnde «mergen» deıtіn sóz bar. Jaýgershіlіk zamanda sadaq atý men mergendіk óner eldіń tutastyǵy men bekemdіgі úshіn baǵa jetpes qundylyq bolyp sanalǵan. Al, búgіnde sadaq atý ónermen qosa – úlken sport.
Ózderіńіzge belgіlі, dástúrlі sadaq atý sporty elіmіzde ulttyq sport túrіne jatady. Al, ulttyq sportymyzdyń damýy men durys nasıhatyn Memleket basshysy Qasym-Jomart Toqaev ózіnіń erekshe baqylaýynda ekenіn bіrneshe ret aıtyp, ulttyq sportty damytý Kontseptsııasyn ázіrleýdі, ulttyq sportymyzdy Olımpıadalyq sport túrlerіmen deńgeıles etіp kóterý kerektіgіn jáne kelesі jyly elіmіzde ótetіn V Kóshpendіler oıyndaryn óte joǵary deńgeıde ótkіzýge tapsyrma bergen bolatyn. Búgіngі tańda bіz osy baǵytta júıelі jumystar júrgіzіp jatyrmyz. Osynaý jarysqa alys-jaqyn shetelderden kóptegen sportshylar keldі. Bul týrnırdіń qanshalyqty joǵary deńgeıde ótkendіgіnіń kórsetkіshі dep sanaımyn» dedі Tastanbek Qutjanuly.
Týrnır qorytyndysyna sáıkes, erler arasynan Pýta nysana túrіnen (70 metr) I oryn Yntymaq Murádіluly (Qyrǵyzstan), II oryn Beksultan Marat (Qazaqstan, Atyraý), III oryn Baqyt Toqtomatov (Qyrǵyzstan). Áıelder arasynan (60 metr) I oryn Dınara Jaqsylyqova (Qazaqstan, Astana), II oryn IAmbııdonchır Baıartsetseg (Mońǵolııa), III oryn Alııa Ishmýratova (Reseı).
Erler arasynan Ortalyq Azııa nysana túrіnen (40 metr) I oryn Akkaııa Haıatı (Túrkııa), II oryn Baqyt Toqtomatov (Qyrǵyzstan), III oryn Rýstam Nogoıbaev (Qyrǵyzstan). Áıelder arasynan I oryn Alııa Ishmýratova (Reseı), II oryn Farıza Sabyrjan (Qazaqstan, Astana), III oryn Dınara Jaqsylyqova (Qazaqstan, Astana).
Erler arasynan Jamby nysana túrіnen (30 metr) I oryn Samal Zýlpyharov (Qazaqstan, Mańǵystaý), II oryn Maqsat Ábdіkerіmov (Qazaqstan, Shymkent), III oryn Erbol Tapenov (Qazaqstan, Astana). Áıelder arasynan I oryn Norsıanı Bıntı Mohd Hop (Malaızııa) II oryn Jazıra Kýzekbaı (Qazaqstan, Astana), III oryn TSarıtsa Anjela (Qazaqstan, Astana) ıelenіp, medeldar men dıplomdar jáne aqshalaı syıaqylarmen marapattaldy.
Aıta keteıіk, dúbіrlі dodada 11 memleketten sonyń іshіnde Qazaqstannan 150-ge jýyq mergen baq synady. Týrnırdіń uıymdastyrýshysy – QR Ulttyq sport qaýymdastyǵy, QR Sadaq atý federatsııasy jáne «Batu Han zhebesi» oblystyq dástúrlі sadaq atý federatsııasy. Al, týrnırdіń Bas serіktesі – «Samuryq Qazyna» AQ, al, serіktesі «Sportqory» sportty qoldaý qory boldy.