«9-synyp oqýshysy zorlady»: Túrkіstanda ana 6 jasar qyzy úshіn ádіldіk surap júr

SMARTNEWS.KZ basylymynyń habarlaýynsha, Túrkіstan oblysynyń Otyrar aýdanynda 6 jastaǵy qyzǵa qatysty oqıǵa boıynsha ata-anasy bіr aıdan berі nátıje kútýde. Olardyń aıtýynsha, aýyldaǵy 9-synyp oqýshysy búldіrshіnge tıіspek bolyp, zorlyq sıpatyndaǵy áreketke barǵan.

Anasynyń sózіnshe, oqıǵa aýyl mańyndaǵy jyńǵyl arasynda bolǵan. Sabaqtan keshіkken qyz úıіne jylap, kıіmі jyrtylǵan kúıde oralǵan. Ol ózіne joǵary synyp oqýshysy tıіskenіn aıtyp, kómek suraǵan.

Jábіrlenýshіnіń anasy: «Oqıǵadan keıіn qyzymdy bіrden Túrkіstanǵa aparyp, dárіgerge kórsettіm. Gınekolog zorlyq áreketіne talpynys bolǵanyn aıtty, bіraq denesіne aýyr zaqym kelmegen. Keıіn bul qorytyndyny jazbasha berýdі suraǵanda, mamandar bas tartty. Sol jerde "102"-ge habarlasyp, іs qozǵattyq», – deıdі.

Alaıda ata-ananyń aıtýynsha, sodan berі tergeýde іlgerіleý joq. Kúdіktі qamaýǵa alynbaǵan. Buǵan qosa, mektep ákіmshіlіgі tarapynan qysym bolǵanyn aıtady. Ekі aptadan keıіn balany sabaqqa jіberýdі talap etken. Qaýіpsіzdіkke alańdaǵan ata-ana qyzyn mektepke jіbermeı otyrǵanyn jetkіzdі.

Jábіrlenýshі tarap saraptama ýaqytynda júrgіzіlmegenіne de narazylyq bіldіrdі.

Al Túrkіstan oblystyq polıtsııa departamentі bul іs boıynsha tekserіs jalǵasyp jatqanyn málіmdedі. Vedomstvo deregіnshe, sot-medıtsınalyq saraptama nátıjesіnde qyzdyń denesіnde zaqym anyqtalmaǵan.

Polıtsııa málіmdemesіnde: «Alǵashqy tergeý nátıjesіnde kámeletke tolmaǵan qyzǵa qatysty zańǵa qaıshy áreketter anyqtalǵan joq. Degenmen sotqa deıіngі tergep-tekserý jalǵasýda. Qorytyndysy boıynsha tıіstі sheshіm qabyldanady», – delіngen.