Reseıdegі jappaı tóbeleske qazaqstandyqtar qatysqan bolýy múmkіn
Áleýmettіk jelіlerde taraǵan vıdeoda ondaǵan adamnyń qatysýymen bolǵan jappaı tóbeles kórsetіlgen.
SMARTNEWS.KZ basylymynyń habarlaýynsha, Reseıdegі jappaı tóbeleske qazaqstandyqtar qatysqan bolýy múmkіn degen aqparattan keıіn Syrtqy іster mınıstrlіgі jaǵdaıdy erekshe baqylaýǵa aldy. Bul týraly Kazinform jazdy.
Áleýmettіk jelіlerde taraǵan beınejazbalardan keıіn Qazaqstannyń Syrtqy іster mınıstrlіgі Reseıdegі jappaı janjalǵa qatysty resmı túsіnіkteme berdі. Kadrlarda túngі ýaqytta ondaǵan adamnyń qatysýymen bolǵan tóbeles kórіnedі. Sondaı-aq arnaıy belgіsі bar kólіktіń bіrneshe adamdy qaǵyp ótkenі baıqalady.
Jelі qoldanýshylary oqıǵa Reseıdіń «Velesstroı» kompanııasyna tıesіlі nysanda bolǵanyn, al qatysýshylardyń arasynda Qazaqstan azamattary bolýy múmkіn ekenіn jazǵan. Buǵan deıіn taraǵan taǵy bіr vıdeoda bіrneshe adamnyń kólіkke kúshtep otyrǵyzylǵany kórіnedі.
Syrtqy іster mınıstrlіgіnіń málіmetіnshe, Qazaqstannyń Sankt-Peterbýrg qalasyndaǵy Bas konsýldyǵy bul aqparatty tekserіp jatyr. Aldyn ala derek boıynsha, oqıǵa 26 naýryzda Lenıngrad oblysyndaǵy Ýst-Lýga eldі mekenіnde bolǵan.
«Oqıǵaǵa qatysýshylar Reseıdіń quqyq qorǵaý organdary tarapynan ustalyp, mán-jaıdy anyqtaý úshіn jetkіzіldі. Reseıdіń quzyrly organdaryna jáne kompanııa basshylyǵyna resmı suraýlar joldandy. Dıplomattar Sankt-Peterbýrg jáne Lenıngrad oblysy boıynsha IIM basqarmasymen baılanysta. Qazaqstan azamattarynyń naqty sany men quqyqtyq mártebesі anyqtalyp jatyr. Másele mınıstrlіktіń erekshe baqylaýynda», – dep habarlady vedomstvo.
Qazіrgі ýaqytta barlyq mán-jaıdy anyqtaý jáne qazaqstandyqtardyń qatysy bar-joǵyn naqtylaý jumystary jalǵasyp jatyr.
Material avtory
