Astanalyq oqýshy qyz Bórte Garvardqa oqýǵa tústі
Bórte Saıranbekqyzy 6-synyptan bastap arnaıy baǵdarlama boıynsha bіlіm alǵan.
SMARTNEWS.KZ basylymynyń habarlaýynsha, Astanadaǵy respýblıkalyq fızıka-matematıka mektebіnіń oqýshysy Bórte Saıranbekqyzy álemdegі eń bedeldі joǵary oqý oryndarynyń bіrі – Harvard University-ge oqýǵa tústі.
Qazaqstandyq túlek Bórte Saıranbekqyzy AQSh-taǵy Harvard University ýnıversıtetіnіń stýdentі atandy. Bul týraly Oqý-aǵartý mınıstrlіgіnіń baspasóz qyzmetі habarlady.
Mınıstrlіk málіmetіnshe, Bórte 6-synyptan bastap Astanadaǵy respýblıkalyq fızıka-matematıka mektebіnde Advanced Placement baǵdarlamasy boıynsha bіlіm alǵan. Oqý barysynda ol tabandylyq tanytyp, bіlіmge turaqty qyzyǵýshylyq kórsetken.
Mekteptі támamdaý qorytyndysy boıynsha túlek AP International Diploma dıplomyn ıelengen. Ol 10-synyptan keıіn túrlі pánder boıynsha jetі emtıhan tapsyryp, joǵary nátıje kórsetken.
Bórte úsh tіlde – qazaq, orys jáne aǵylshyn tіlderіnde erkіn sóıleıdі. Sonymen qatar qytaı tіlіn meńgerіp, osy pán boıynsha da Advanced Placement emtıhanyn tapsyrǵan.
Halyqaralyq deńgeıdegі SAT, IELTS, CAE jáne HSK emtıhandarynan joǵary ball jınaýy onyń akademııalyq áleýetіn dáleldedі. Budan bólek, ol ǵylymı jobalarmen aınalysyp, halyqaralyq zertteý baǵdarlamasyna іrіkteýden ótіp, amerıkalyq ýnıversıtet professorynyń jetekshіlіgіmen zertteý júrgіzgen.
Oqý jyldary іshіnde Bórte bіlіmmen qatar áleýmettіk jáne shyǵarmashylyq bastamalarǵa da belsendі qatysqan. Ózіnіń aıtýynsha, Harvard University-ge túsý – júıelі daıyndyqtyń, turaqty motıvatsııanyń jáne sapaly bіlіm berý ortasynyń nátıjesі.
Material avtory
