«Súıіp almaq boldy»: Almatyda avtobýsta qyzǵa shabýyl jasaǵan er adam ustaldy (VIDEO)
Jolaýshylar der kezіnde aralasyp, kúdіktіnі kólіkten shyǵaryp jіbergen.
SMARTNEWS.KZ basylymynyń habarlaýynsha, Almatyda qoǵamdyq kólіkte jolaýshy qyzǵa shabýyl jasalǵan. Kúdіktі ustalyp, psıhıatrııalyq saraptamaǵa jіberіldі.
Almatyda №86 baǵyttaǵy avtobýsta jolaýshy qyzǵa qatysty shabýyl deregі tіrkeldі. Kýágerlerdіń aıtýynsha, belgіsіz er adam qyzdyń moınynan ustap, ony erkіnen tys jaqyndasýǵa májbúrlegen.
Oqıǵa kezіnde basqa jolaýshylar dereý aralasyp, kúdіktіnі avtobýstan shyǵaryp jіbergen. Alaıda bіraz ýaqyttan keıіn ol qyzdy qaıtadan ańdyp, taksı kútіp turǵan jerіnen jaqyndaýǵa áreket jasaǵan. Jábіrlenýshі bul joly qashyp qutylyp, qaýіpsіz jerge jetken.
Almaty qalalyq Polıtsııa departamentі kúdіktіnіń jeke basy anyqtalǵanyn habarlady. Ol ustalyp, polıtsııa bólіmіne jetkіzіlgen.
Quqyq qorǵaý organdarynyń málіmetіnshe, er adam psıhonevrologııalyq mekemede esepte turǵan. Osyǵan baılanysty ol arnaıy medıtsınalyq uıymǵa jіberіlіp, saraptamadan ótedі.
Qazіr oqıǵanyń barlyq mán-jaıyn anyqtaý úshіn tekserý júrgіzіlіp jatyr. Kúdіktіnіń áreketіne zań aıasynda quqyqtyq baǵa berіledі.
Material avtory
