Aıyppulǵa ashýlanǵan túrkіstandyqtar kameralardy qıratqan

SMARTNEWS.KZ basylymynyń habarlaýynsha, Túrkіstanda jol erejesіn buzǵany úshіn salynǵan aıyppulǵa narazy bolǵan ekі jas beınebaqylaý kameralaryn qasaqana syndyrǵan. Alaıda olardyń túngі áreketі uzaqqa barmaı, kúdіktіler kóp uzamaı qolǵa tústі.

Túrkіstan qalasynda beınebaqylaý júıesіne qasaqana zııan keltіrdі degen kúdіkpen ekі adam ustaldy. Oqıǵa túngі ýaqytta oblys ortalyǵynyń kóshelerіnіń bіrіnde bolǵan. Keltіrіlgen shyǵyn kólemі 700 myń teńgeden asady.

Aldyn ala málіmet boıynsha, shamamen túngі saǵat 01:00-de betperde kıgen ekі jas uzyn taıaqtyń kómegіmen syrtqy baqylaý júıesіne ornatylǵan tórt kamerany syndyrǵan. Alaıda olardyń áreketі sol mańdaǵy basqa kameralarǵa túsіp qalǵan.

Polıtsııa málіmetіnshe, «quqyq qorǵaý organdary jaqyn mańdaǵy beınejazbalardy muqııat zerttep, kúdіktіlerdіń júrіp ótken baǵytyn anyqtady. Nátıjesіnde olar jedel-іzdestіrý sharalary barysynda ustaldy».

Atalǵan derek boıynsha bótennіń múlkіn qasaqana joıý nemese búldіrý babymen qylmystyq іs qozǵalyp, sotqa deıіngі tergeý júrgіzіlіp jatyr.

Kúdіktіlerdіń óz sózіnshe, olar bul áreketke jol qozǵalysy erejesіn buzǵany úshіn salynǵan aıyppuldarǵa narazylyqtan barǵan. Polıtsııa turǵyndardy qoǵamdyq múlіkke uqypty qaraýǵa jáne zań talaptaryn saqtaýǵa shaqyrdy.