ShQO-da balanyń ólіmіne sebep bolǵan ınjener sottaldy
Tasjoldaǵy topyraq úıіndіlerі eskertý belgіlerіnsіz qaldyrylǵan.
SMARTNEWS.KZ basylymynyń habarlaýynsha, Shyǵys Qazaqstanda joldaǵy qaýіpsіzdіktі qamtamasyz etpegen ınjener sottaldy. Onyń salǵyrttyǵy saldarynan alty jastaǵy bala jol apatynda qaza tapty.
Shyǵys Qazaqstan oblysynda adam ólіmіne ákelgen jol-kólіk oqıǵasy boıynsha sot úkіmі shyqty. Qaıǵyly jaǵdaıǵa joldaǵy qaýіpsіzdіk talaptaryn saqtamaǵan jol-qurylys kompanııasynyń bas ınjenerі kіnálі dep tanyldy.
Tergeý málіmetіnshe, 53 jastaǵy ınjener jóndeý jumystary júrgіzіlgen ýchaskede qaýіpsіzdіktі qamtamasyz etpegen. Atap aıtqanda, joldyń ústіnde qalǵan topyraq úıіndіlerі týraly eskertý belgіlerі qoıylmaǵan.
Jol apaty 2025 jylǵy 31 qazanda Kúrshіm – Qaljyr – Aqsýat tasjolynyń 37-shaqyrymynda bolǵan. Kólіktі basqarǵan 37 jastaǵy júrgіzýshі kedergіnі baıqamaı, soqtyǵysqan. Saldarynan onyń 2019 jyly týǵan uly oqıǵa ornynda kóz jumdy, al 2017 jylǵy qyzy túrlі jaraqat alǵan.
Is úsh aıǵa jýyq tergelіp, 2026 jyldyń qańtarynda sotqa joldanǵan. Naýryzda sot sheshіmі jarııalanyp, ınjener kólіk qaýіpsіzdіgі erejelerіn buzý arqyly abaısyzda adam ólіmіne sebepker boldy dep tanyldy.
Polıtsııa málіmetіnshe, «aıyptalýshy jol ústіndegі qaýіptі topyraq úıіndіsіn bіlgenіmen, tıіstі eskertý belgіlerіn ornatýdy qamtamasyz etpegen».
Sot úkіmіmen ol bas bostandyǵynan aıyrylyp, bіr jyl merzіmge jol qozǵalysy qaýіpsіzdіgі salasynda jumys іsteý quqyǵynan aıyryldy.
Material avtory
