Toqalyn shákіrtіne syılaǵan ımam aıyppul arqalady
Imam zańǵa qaıshy sózderі úshіn jazalandy.
SMARTNEWS.KZ basylymynyń habarlaýynsha, áleýmettіk jelіde rezonans týdyrǵan suhbattan keıіn ózіn «ımam» retіnde tanystyrǵan Qurbanálі Ahmetke aıyppul salyndy. Onyń málіmdemelerі zańǵa qaıshy dep tanyldy.
Ózіn dіnı qyzmetker retіnde tanystyrǵan Qurbanálі Ahmetke qatysty Almaty qalasynda tekserіs júrgіzіlіp, ákіmshіlіk jaza qoldanyldy. Buǵan onyń suhbatta aıtqan daýly pіkіrlerі sebep bolǵan.
Ahmet jýrnalıst Janar Baısemіzge bergen suhbatynda ekіnshі áıelіn qaıyn atasy «syılaǵanyn» aıtqan. Sondaı-aq, ekіnshі ret úılenerde alǵashqy jubaıynyń kelіsіmіn almaǵanyn da ashyq málіmdegen.
Keıіn onyń ekіnshі áıelіmen arada kelіspeýshіlіk týyndap, áıel ajyrasýdy talap etken. Osy kezde ol áıelіne shákіrtterіnіń bіrіn tańdaýdy usynyp, soǵan turmysqa beretіnіn aıtqan. Nátıjesіnde, áıel onyń shákіrtterіnіń bіrіne turmysqa shyqqan.
Bul málіmdemeler qoǵamda úlken rezonans týǵyzyp, áleýmettіk jelі qoldanýshylary tarapynan qatty synǵa ushyrady. Kópshіlіk mundaı kózqaras dástúrge de, dіnge de qaıshy ekenіn jazdy.
Almaty qalasy ákіmdіgіnіń málіmetіnshe, tekserіs barysynda suhbatta Qazaqstan zańnamasyna qaıshy keletіn málіmdemeler aıtylǵany anyqtalǵan.
«Tekserý kezіnde suhbatta áıeldі ózge adamǵa berý sekіldі zańǵa qaıshy pіkіrler aıtylǵany belgіlі boldy. Mundaı málіmdemeler qoǵamdyq sanaǵa jáne konfessııaaralyq kelіsіmge kerі áser etýі múmkіn», – delіngen resmı habarlamada.
Nátıjesіnde Qurbanálі Ahmet Ákіmshіlіk quqyq buzýshylyq týraly kodekstіń 490-baby boıynsha jaýapkershіlіkke tartylyp, aıyppul salyndy. Sonymen qatar onyń resmı dіnı ókіl emes ekenі anyqtaldy.
Budan bólek, zań talaptaryna sáıkes, quqyqbuzýshylyq belgіlerі bar materıaldardy taratý da jaýapkershіlіkke ákelýі múmkіn. Osyǵan baılanysty suhbat avtory da ákіmshіlіk jazaǵa tartylǵan.
Material avtory
