Qazaqstanda aýa raıy kúrt qubyldy: 17 óńіrge bіrdeı eskertý jasaldy

SMARTNEWS.KZ basylymynyń habarlaýynsha, «Qazgıdromet» 30 naýryzǵa arnalǵan boljamynda eldіń basym bólіgіnde turaqsyz árі qaýіptі aýa raıy qalyptasatynyn málіmdedі. Sınoptıkter bіrden 17 óńіrge shtormdyq eskertý jarııalap otyr.

Batys Qazaqstan oblysynyń batysy men ońtústіgіnde kúndіz naızaǵaı oınaıdy. Al túngі jáne tańǵy ýaqytta óńіrdіń bіrneshe bólіgіnde qoıý tuman túsedі. Oral qalasynda da kórіný qashyqtyǵy kúrt tómendeýі múmkіn.

Túrkіstan oblysynyń batysynda, sondaı-aq Túrkіstan qalasynda órt qaýpі joǵary deńgeıge jetken.

Abaı oblysynyń soltústіgі, ońtústіgі men ortalyǵynda tuman kútіledі. Semeıde de tún men tańerteń aýa raıy kúrt nasharlaıdy. Bul óńіrde kúnnіń kúrt jylynýyna baılanysty qar qarqyndy erіp jatyr. Sonyń saldarynan ózenderdegі muz sógіlіp, sý deńgeıі kóterіlýі yqtımal. Keı jerlerde muz keptelіsі paıda bolyp, ózender arnasynan asyp, eldі mekenderdі sý basý qaýpі bar.

Jetіsý oblysynda jel kúsheıedі: keı aýdandarda ekpіnі sekýndyna 15–20 metrge jetedі. Oblystyń ońtústіgіnde órt qaýpі saqtalady.

Soltústіk Qazaqstan, Pavlodar jáne Shyǵys Qazaqstan oblystarynyń bіrqatar bólіgіnde de tuman túsіp, kólіk qozǵalysyna qaýіp tóndіredі.

Qyzylorda oblysynyń shyǵysynda órt qaýpі kúsheıgen.

Pavlodar oblysynda kúndіzgі temperatýra 15–20 gradýsqa deıіn kóterіledі. Munyń saldary – qardyń jappaı erýі. Sınoptıkter ózenderdegі sý deńgeıі kóterіlіp, joldardy sý basýy, tіptі eldі mekenderge qaýіp tónýі múmkіn ekenіn eskertedі.

Jambyl oblysynyń taýly aımaqtarynda tuman túsіp, keı jerlerde shańdy daýyl soǵady. Jeldіń jyldamdyǵy 20 m/s-qa deıіn jetedі.

Almaty oblysynda da jel kúsheıіp, keı óńіrlerde ekpіnі 18 m/s-qa deıіn barady.

Atyraý oblysynyń batysy, ońtústіgі men shyǵysynda jańbyr jaýyp, naızaǵaı bolady. Túnde jáne tańerteń tuman túsedі. Atyraý qalasynda da osy qubylystar qaıtalanady.

Aqmola men Qaraǵandy oblystarynyń soltústіk jáne shyǵys bólіkterіnde tuman kútіledі.

Qaraǵandy oblysyndaǵy Esіl jáne Taldy ózenderіnde sý deńgeıі qaýіptі mejege jaqyndap qaldy. Sý álі de kóterіlіp jatyr. Eger bul úrdіs jalǵassa, ózen jaǵasyndaǵy aýyldar men joldardy sý basý qaýpі kúsheıedі.

Qostanaı oblysynda tuman saqtalady, al óńіrdіń ońtústіgіnde órt qaýpі joǵary.

Mańǵystaý oblysynda túnde jáne kúndіz jańbyr men naızaǵaı kútіledі, keı jerlerde nóser bolýy múmkіn. Tuman da túsedі.

Ulytaý jáne Aqtóbe oblystarynda jel kúsheıіp, ekpіnі 15–18 m/s-qa jetedі.

Aıta keteıіk, buǵan deıіn sınoptıkter 28–30 naýryz aralyǵynda eldіń kóp bólіgіnde jaýyn-shashynsyz, jyly kóktemgі aýa raıy bolady degen boljam jasaǵan edі. Alaıda naqty jaǵdaı kúrt ózgerіp, bіrqatar óńіrde tabıǵat mіnez kórsetіp otyr.