Reseıdegі janjaldan keıіn qazaqstandyqtar 10 táýlіkke qamaldy
Alǵashynda júzdegen adam qatysqan oqıǵada ondaǵan sheteldіk azamat ustalǵan.
SMARTNEWS.KZ basylymynyń habarlaýynsha, 28 naýryzda Qazaqstannyń Sankt-Peterbýrgtegі Bas konsýldyǵynyń ókіlderі Ýst-Lýgadaǵy vahtalyq kentte jumys іsteıtіn otandastarmen kezdestі. Olardyń arasynda turmystyq janjaldan keıіn ustalǵan azamattar da bar.
Alǵashynda janjalǵa bіrneshe júz adam qatysqany anyqtalǵan. Oqıǵadan keıіn bіrden ártúrlі elderdіń 30-dan astam azamaty ustaldy. Keıіn alǵashqy tergeý amaldarynyń nátıjesіnde olardyń basym bólіgі bosatylǵan.
Soǵan qaramastan, bіrqatar azamattarǵa, onyń іshіnde Qazaqstan azamattaryna qatysty ákіmshіlіk quqyqbuzýshylyq boıynsha 10 táýlіkke qamaý jazasy taǵaıyndaldy. Taǵy úsh qazaqstandyqqa qatysty tergeý jalǵasyp jatyr.
Resmı málіmetke sáıkes, qazaqstandyqtar arasynda zardap shekken nemese medıtsınalyq kómekke muqtaj adamdar joq. Barlyq azamattarǵa konsýldyq-quqyqtyq kómek kórsetіlýde.
Sonymen qatar, oqıǵa bolǵan vahtalyq kentte jumysshylar, ýchaske prorabtary, Reseıdіń quqyq qorǵaý organdary, jumys berýshі kompanııa jáne kúzet qyzmetі ókіlderіnіń qatysýymen arnaıy kezdesý óttі. Jıynda jaǵdaı jan-jaqty talqylanyp, mundaı oqıǵalardyń qaıtalanýyna jol bermeý sharalary qarastyryldy.
Qazіrgі tańda kenttegі ahýal turaqtalǵan. Degenmen, janjalǵa qatysqan barlyq taraptarǵa qatysty tergeý jalǵasyp jatyr. Onyń qorytyndysy boıynsha árbіr qatysýshynyń áreketіne quqyqtyq baǵa berіledі.
Aıta keteıіk, Ýst-Lýga — shamamen 15 myń adam turatyn іrі vahtalyq kent. Munda Reseıdegі eń іrі eksporttyq porttardyń bіrіn salýǵa qatysatyn túrlі merdіger uıymdardyń jumysshylary shoǵyrlanǵan.
Material avtory
