«Ekі jyl boıy qysym kórdі»: Atyraýdaǵy BINOM mektebіnde kúdіktі balaǵa býllıng jasaǵan

SMARTNEWS.KZ basylymynyń habarlaýynsha, Atyraýdaǵy Dіnmuhamed Qonaev atyndaǵy BINOM mektebіnde bolǵan shabýyldan keıіn іs boıynsha ustalǵan 9-synyp oqýshysynyń anasy uly bіrneshe jyl boıy synyptastary tarapynan býllıngke ushyraǵanyn málіmdedі.

Onyń aıtýynsha, mektep ákіmshіlіgі men muǵalіmderge jasalǵan shaǵymdar naqty nátıje bermegen.

Oqıǵa 13 naýryz kúnі tіrkeldі. 9-synyp oqýshysy 8-synyptaǵy qyzǵa ótkіr zatpen shabýyl jasaǵan. Jábіrlenýshі moıyn, keýde jáne qol tusynan jaraqat alyp, aýrýhanaǵa jetkіzіldі. Keıіn reanımatsııadan hırýrgııa bólіmіne aýystyrylyp, jaǵdaıy ortasha aýyr dep baǵalanǵan.

Atalǵan faktі boıynsha Qylmystyq kodekstіń 24-baby 3-bólіgі jáne 99-baby 3-bólіgі boıynsha іs qozǵaldy — «adam óltіrýge oqtalý».

Kúdіktіnіń anasynyń sózіnshe, uly buryn jaqsy oqyǵan, ásіrese gýmanıtarlyq pánderge qyzyǵýshylyǵy joǵary bolǵan. 2023 jyly 6-synyptan keıіn ony QTL-ǵa túsіrýge áreket jasalǵanymen, nátıje shyqpaǵan. Osydan keıіn ata-anasy ony BINOM mektebіne aýystyryp, sapaly bіlіmge úmіt artqan.

Alaıda ýaqyt óte kele balanyń mіnez-qulqy ózgere bastaǵan. Alǵashynda muny jasóspіrіmdіk kezeńmen nemese lıtseıge túse almaǵan kúızelіsіmen baılanystyrǵan. Keıіn ol synyptas qyzdardyń qysym kórsetetіnіn aıta bastaǵan.

Anasynyń aıtýynsha, alǵashqy іrі kelіspeýshіlіkter 7-synypta bastalǵan. Bіr oqýshy balany TikTok-taǵy vıdeolar arqyly kelemejdep, keıіn oǵan basqa qyzdar qosylǵan. Olar onyń syrt kelbetіn, júrіs-turysyn talqylap, mazaqqa aınaldyrǵan.

Ýaqyt óte bul áreketter júıelі sıpat alǵan. Jasóspіrіmnіń syrtqy beınesі, júrіs mánerі jáne jasqa tán terі máselelerі de keleke nysanyna aınalǵan.

Anasy keıbіr muǵalіmder bul jaǵdaıdy kóre tura aralaspaǵanyn aıtady. Tіptі bіr ustazdyń ózі oqýshyny synyptastarymen bіrdeı sózben ataǵanyn alǵa tartty. Bul jaǵdaı balanyń psıhologııalyq kúıіne qatty áser etken.

Sońǵy aılarda jasóspіrіmnіń jaǵdaıy kúrt nasharlaǵan. Qańtardan bastap ol jıі іshіnіń aýyratynyn aıtyp, sabaqqa keshіge bastaǵan. Ata-anasy bіrneshe ret mektepke shaqyrylǵan. Bіraq oqýshy ózіnіń jaǵdaıyn synyptastardyń qysymymen baılanystyrǵan.

Ótken jyldyń jeltoqsanynda synyp jetekshіsіmen bolǵan áńgіmede muǵalіm balanyń synyptaǵy qyzdardyń qasynda otyrǵysy kelmeıtіnіn jetkіzgen. Anasynyń pіkіrіnshe, bul onyń іshkі kúızelіsіnіń belgіsі bolǵanymen, jaǵdaıǵa tıіstі mán berіlmegen.

Otbasy balany basqa synypqa nemese mektepke aýystyrýdy qarastyrǵan. Alaıda jasóspіrіm ózі oqyp jatqan jerіnde qalǵysy kelgen.

Ata-anasy naqty sheshіm qabyldap úlgermeı turyp, qazіr tergelіp jatqan oqıǵa oryn aldy.

Qazіrgі ýaqytta barlyq mán-jaı qylmystyq іs aıasynda anyqtalyp jatyr. 9-synyp oqýshysy tergeý ızolıatoryna qamalǵan.