Teńіz ken ornynda dron shabýylyna qarsy jattyǵýlar pysyqtalyp jatyr

SMARTNEWS.KZ basylymynyń habarlaýynsha, Atyraý oblysynda strategııalyq mańyzy bar munaı-gaz nysandarynyń qaýіpsіzdіgі kúsheıtіldі. Halyqaralyq jaǵdaıdyń ózgerýіne baılanysty áskerıler Teńіz ken ornyn ushqyshsyz ushý apparattarynyń yqtımal shabýylynan qorǵaý stsenarıılerіn pysyqtap jatyr.

Áleýmettіk jelіlerde Qorǵanys mınıstrlіgіne qarasty arnaıy tehnıkalar kolonnasynyń batys óńіrdegі óndіrіstіk alańdarǵa baǵyt alǵany túsіrіlgen kadrlar tarady. Keıіn bul kúshterdіń jyljýy aýqymdy áskerı oqý-jattyǵýlarmen baılanysty ekenі belgіlі boldy.

Qolda bar málіmetke sáıkes, Teńіzdegі oqý-jattyǵýlardyń negіzgі maqsaty – drondar tarapynan týyndaıtyn qaýіp-qaterge qarsy áreket etý tásіlderіn pysyqtaý.

Sarapshylardyń aıtýynsha, sońǵy jyldary ushqyshsyz tehnologııalar soǵys taktıkasyn túbegeılі ózgertken. Buryn tek alǵy shepke tán qaýіp sanalsa, endі mundaı qater tereń tyldaǵy strategııalyq nysandarǵa da qatysty bola bastady.

Oqý-jattyǵý barysynda áýe qorǵanysy júıelerіnіń jedel áreketі, radıoelektrondyq kúres quraldarynyń tıіmdіlіgі jáne túrlі vedomstvolardyń ózara іs-qımyly tekserіlýde. Ázіrge oqý-jattyǵýdyń qashan aıaqtalatyny týraly resmı aqparat jarııalanǵan joq.

Aıta keteıіk, Teńіz ken orny – Qazaqstandaǵy eń іrі munaı jobalarynyń bіrі jáne eldіń eksporttyq kіrіsіnіń eleýlі bólіgіn qamtamasyz etedі.