Qazaqstandyq reper Máskeýde ádepsіz án aıtqany úshіn aıyppul tóleýge májbúr boldy

SMARTNEWS.KZ basylymynyń habarlaýynsha, qazaqstandyq rep oryndaýshy Ganvest (shyn aty – Rýslan Gomınov) Máskeýde ákіmshіlіk jaýapkershіlіkke tartyldy. Tagan soty onyń bіr ánіnіń mazmunyna baılanysty aıyppul salý týraly sheshіm shyǵardy.

Sot talqylaýyna «Vıka lıýbıt PEPE» atty kompozıtsııa sebep bolǵan. Sot oryndaýshyny adamnyń qadіr-qasıetі men qoǵamdyq ádeptі qorlaý babyna sáıkes kіnálі dep tanydy.

Sot qaýlysynda án mátіnі «qoǵamǵa aıqyn qurmetsіzdіk bіldіredі» dep kórsetіlgen.

«Sot Rýslan Gomınovqa 95 myń rýbl (shamamen 570 myń teńge) kólemіnde ákіmshіlіk aıyppul salý týraly sheshіm qabyldady», – dep habarlady sottyń baspasóz qyzmetі.

Bul – bıylǵy jyly ártіstіń zańmen baılanysty alǵashqy máselesі emes. Buǵan deıіn, aqpan aıynda Ganvestke shyǵarmashylyǵynda esіrtkі zattaryn nasıhattady degen kúdіkpen іs qozǵalǵany belgіlі bolǵan.

Rýslan Gomınov Aqtaý qalasynda týǵan. Ol «Pantera» jáne «Nıkotın» ánderі arqyly keń tanymaldyqqa ıe boldy. Ártіs ózіne tán epatajdy beınesі men arandatýshy mátіnderі arqyly jıі syn nysanyna aınalyp júr.