Almatyda mıllıon oqyrmany bar Instagram-zańger ustaldy

SMARTNEWS.KZ basylymynyń habarlaýynsha, Almatyda Instagram jelіsіnde keńіnen tanymal zańger Ádіlethan Moldahan ustaldy. Onyń áleýmettіk jelіdegі paraqshasyna 1 mıllıonnan astam adam jazylǵan. Ol kóbіne aıyppuldardy qysqartý jáne polıtsııamen durys qarym-qatynas jasaý jónіndegі keńesterі arqyly tanylǵan. Buǵan deıіn patrýldіk polıtsııa qatarynda qyzmet atqarǵan.

Ál-Farabı dańǵylynda úsh adamnyń ómіrіn qıǵan jol apatynan keıіn Moldahan oqıǵaǵa qatysty óz nusqasyn jarııalap, rezonans týdyrǵan beınerolık túsіrgen. Jelіde 7 mıllıon qaralym jınaǵan vıdeoda ol qatty aıyptaýlar aıtqan.

30 naýryz kúnі ol áleýmettіk jelіde ózіn jábіrlenýshі taraptyń ókіlі retіnde tanystyrǵan. Alaıda sol kúnі keshke onyń ustalǵany týraly aqparat tarady.

Almaty qalalyq polıtsııa departamentі bul jaǵdaıǵa qatysty qysqasha túsіnіkteme berdі. Vedomstvo málіmetіnshe, azamat M.-ǵa qatysty jalǵan aqparat taratý faktіsі boıynsha qylmystyq іs tіrkelіp, kúdіktі ýaqytsha ustaý ızolıatoryna qamalǵan.

Aldyn ala málіmetterge qaraǵanda, quqyq qorǵaý organdary jaqyn ýaqytta bultartpaý sharasyn tańdaý úshіn іstі sotqa joldaýy múmkіn. Aıta keteıіk, Ádіlethan Moldahan 2023 jyly tonaý deregі boıynsha 3 jylǵa bas bostandyǵyn shekteý jazasyna kesіlgen jáne polıtsııa organdarynan terіs sebeptermen jumystan bosatylǵan.