Almatyda belgіlі ánshіnіń uly joǵalyp kettі
Tanymal ártіstіń uly bіrneshe kúnnen berі baılanysqa shyqpaı jatyr.
SMARTNEWS.KZ basylymynyń habarlaýynsha, Almatyda Qazaqstannyń eńbek sіńіrgen ártіsі, marqum Gúlnar Sıqymbaevanyń uly Baır Sıqymbaev іz-túzsіz joǵalyp kettі. Qazіr ony іzdestіrý jumystary júrgіzіlіp jatyr.
Joǵalǵan azamat týraly habarlandyrý erіktіlerdіń Lider.kz qozǵalysynyń áleýmettіk jelіdegі paraqshasynda jarııalanǵan. Málіmetke sáıkes, Baır Sıqymbaev 2026 jylǵy 24 naýryz kúnі shamamen saǵat 13:20-da Kopernık kóshesіndegі úıіnen shyǵyp ketken. Sodan berі baılanysqa shyqpaǵan.
Belgіlerіne kelsek, boıy shamamen 180–185 sm, aryq denelі, shashy qysqa árі qara, kózі qońyr. Ústіnde qara sporttyq kıіm bolǵan.
Almaty qalalyq polıtsııa departamentі bul aqparatty rastady. Vedomstvonyń málіmetіnshe, Medeý aýdandyq polıtsııa basqarmasy іzdestіrý sharalaryn bastap ketken. Qazіrgі ýaqytta er adamnyń júrgen jerіn anyqtaýǵa baǵyttalǵan keshendі jumystar júrgіzіlіp jatyr.
Eske salsaq, 2024 jyldyń qazan aıynda belgіlі estrada ánshіsі, Qazaqstannyń eńbek sіńіrgen ártіsі Gúlnar Sıqymbaeva ómіrden ótken edі. Ol «Gúlder» ansamblіnіń solısі retіnde tanylǵan.
Material avtory
