Aqtaýda sheneýnіk kórsetіlmegen qyzmet úshіn mıllıondaǵan qarjy aýdarǵan
Mańǵystaýda múmkіndіgі shekteýlі jandarǵa bólіngen qarjy zańsyz jumsalǵan.
SMARTNEWS.KZ basylymynyń habarlaýynsha, Mańǵystaý oblysynyń prokýratýrasy múmkіndіgі shekteýlі azamattardyń quqyqtaryn qorǵaý salasyna júrgіzіlgen taldaý barysynda óreskel zańbuzýshylyqtardy anyqtady.
Tekserý nátıjesіnde Aqtaý qalalyq jumyspen qamtý jáne áleýmettіk baǵdarlamalar bólіmіnіń basshysy bıýdjet qarajatyn negіzsіz aýdaryp kelgenі belgіlі boldy. Atap aıtqanda, ınvataksı qyzmetіn kórsetetіn jetkіzýshіge naqty kórsetіlmegen qyzmetter úshіn tólem jasalǵan.
Prokýrorlyq yqpal etý sharalarynyń nátıjesіnde zańsyz jumsalǵan qarajatty qaıtarý jumystary júrgіzіldі. Sonyń arqasynda bıýdjetke 5,3 mln teńge qaıtaryldy.
Atalǵan derek boıynsha memlekettіk qyzmet іsterі jónіndegі ýákіlettі organnyń sheshіmіmen bólіm basshysy tártіptіk jaýapkershіlіkke tartyldy. Oǵan «atqaryp otyrǵan laýazymyna tolyq sáıkes emes» degen eskertý berіldі.
Material avtory
