Túrkіstanda kólіk jýý ornyndaǵy kezekke talas kіsі ólіmіmen aıaqtaldy
Qaqtyǵys kezіnde aıyptalýshylardyń bіrі pyshaq qoldanyp, oqıǵa ornynda bіr adam qaza tapqan.
SMARTNEWS.KZ basylymynyń habarlaýynsha, Túrkіstan oblysynda kólіk jýý ornyndaǵy bolmashy daýdan bastalǵan qaqtyǵys adam ólіmіne ulasyp, sot ekі aıyptalýshyǵa úkіm shyǵardy. Is materıaldaryna súıensek, olar toptasyp kіsі óltіrý jáne taǵy bіr adamdy óltіrýge oqtalý aıyptarymen jaýapqa tartylǵan.
Sot deregіnshe, oqıǵa 2025 jyldyń 29 qazanynda bolǵan. R. esіmdі azamat mardymsyz sebeppen S.-ny soqqyǵa jyqqan. Osydan keıіn jábіrlenýshі tanystaryn shaqyrǵan. Kóp uzamaı janjal ýshyǵyp, O. pyshaq qoldanǵan. Sonyń saldarynan kelgen azamattardyń bіrі oqıǵa ornynda kóz jumǵan.
Budan keıіn O. S.-ǵa da bіrneshe ret pyshaq suǵyp, іzіn sýytqan. Al ekіnshі aıyptalýshy Q. onyń áreketіne tosqaýyl qoımaı, qylmystyń jasalýyna janama túrde yqpal etken dep tanyldy.
Sotta O. kіnásіn іshіnara moıyndap, jazany jeńіldetýdі suraǵan. Q. tek buzaqylyq boıynsha kіnásіn moıyndap, ózge aıyptardan aqtaýdy talap etken.
Alaıda jábіrlenýshі tarap aıyptalýshylardy keshіrmeıtіnіn aıtyp, eń qatań jaza surady. Sot úkіmіmen O. 20 jylǵa, Q. 15 jylǵa bas bostandyǵynan aıyryldy. Sonymen qatar olardan jábіrlenýshіlerge keltіrіlgen moraldyq shyǵyn retіnde jalpy 25 mln teńge óndіrіletіn boldy.
Eske salaıyq, bul oqıǵa qoǵamda úlken rezonans týdyrǵan edі. Kýágerlerdіń aıtýynsha, janjal kezіnde er adamdar dórekіlіk tanytyp, keıіn jaǵdaı baqylaýdan shyǵyp ketken. Qaqtyǵys barysynda pyshaq qoldanylyp, jas jіgіt júrek tusynan aýyr jaraqat alyp, oqıǵa ornynda qaza tapqan.
Material avtory
